يا جماعة الخير انا مقدم عليهم من شهر رجب يعني 7 هجري وبعدها باسبوعين دقوا علي عشان اسوي معاهم مقابلة في مقر الشركة الرئيسي في الرياض ورحت وسويت المقابلة واخر المقابلة قالوا لي ترى احتمال نرسلك رسالة او نتواصل معك على اساس يا اننا نحدد لك موعد للاختبار او مقابلة شخصية ثانية على حسب قلت طيب متى قالوا مانقدر نحدد قلت على خير ان شاء الله
بعدها جاني اتصال منهم في نص رمضان قالوا لي عندك مقابلة شخصية في الديوان الملكي طبعا في الرياض
رحت وكان معي ثلاث شباب وسويت المقابلة
بعدها باسبوع في اواخر رمضان جاني اتصال منهم يوضح فيها الموظف العرض الوظيفي وهل انا موافق او لا عشان يرفع اوراقي وقلت له موافق
والان كملت حوالي 5 شهور لاحس ولاخبر
مرة تواصلت معهم وقالوا احنا بانتظار نتايج الفحص الامني وقلنا طيب
بعدها بشهرين تواصلت معهم قالوا والله احنا من ناحيتنا جاهزين واوراقنا كاملة بس ننتظر رد الجهات المعنية
وزي ماقلت كملت حوالي 5 شهور والان بندخل بالشهر السادس لاحس ولاخبر 
وبين فترة وفترة اتواصل معهم وانشب لهم 
ونفس الكلام مافي شي جديد
فايعني اللي متوقع انه بتخلص اجراءاته سريع سريع لا يأمل ولا يرفض أي عرض وظيفي اذا جاه
لين مايتعطفون ويتكرمون ويردون علينا
والله يوفقنا وياكم للخير