استثمريها ببالونات الهيليوم او ما ادري وش اسمها اللي منتشرة بالمولات على شكل دلافين وسيارات الخ الخ الخ

اسطوانة غاز الهيليوم والنماذج جاهزة تعبينها غاز وحلقات حديدية لربط البالون

مشروع ممتاز وراس ماله قليل

لا اعرف اسعار نماذج البالونات او سعر انبوبة غاز الهيليوم لكن الانبوبه شرائها اول مره فقط ثم التعبئة بسعر منخفض وليست غاليه

تسلمين العامل 50 بالون باليوم او 40 بالون

ويدخل المول ويبيع الصغيره ب 10 والكبيرة على شكل سيارة ب 15

لو فرضاً 15 بالون كبير * 15 = 225 ريال

وفرضاً 35 بالون صغير * 10 = 350 ريال

المجموع = 575 ريال باليوم لو فرضاً تم بيع جميع البالونات وعادة لا يتم بيعها بالكامل

لو فرضنا عندك عاملين وكل واحد بمول وكل واحد 20 حبة فقط يبيعها

ونقول يوم بالاسبوع اجازة لكل عامل بتطلعين آخر الشهر بعد 26 يوم عمل

14950 ريال اخصمي راتب العاملين كل واحد نقول 1500 ريال واخصمي السكن اللي بتسكنينهم فيه واخصمي قد ماتبين

لو يصفى لك 6 آلاف آخر الشهر نعمة كريم

مجرد فكرة وتقدرين تراقبين العمال ولا احب على المرأه من انها تنزل السوق وتتسوق انزلي وشوفي عمالك متسكعين على الارصفه او يدورون بالسوق

مجرد فكرة تتناسب مع وضعك وش التفاصيل والله ما ادري

لكن عندي ولدين لو يمر العامل ومعاه بالونات ينهبلون يجيهم سامري وما اطلع الا شاري لكل واحد حبة