شركة علم اكبر شركه في الكذب عرضوا وظايف نسائيه بعسير و عملوا مقابله مع المرشحات واللي اجتازت المقابله تترشح للأختبار الوظيفي واللي تنجح بالأختبار المفروض تتوظف بناء على كلامهم ..

انا كنت وحده من المرشحات جاني منهم مسج في تاريخ 11 رجب اني اجتزت الاختبار الوظيفي وستبدأ اجراءات التوظيف بعد شهرين ... مرت شهرين واكثر وما اتصلوا .. اتصلت انا على قسم التوظيف بآخر رمضان وقال الموظف راح نبدأ بإجراءات توظيفكم بعد الاجازه و راح تستلمون وظائفكم بعد العيد اكيد ...

وخلص شهر 10 وما اتصلوا .. اتصلت عليهم آخر شهر 10 وقال الموظف راح نخلص اجراءاتكم بآخر شهر 11 عشان تبدأون العمل بعد عيد الاضحى مباشره ..

وبعد العيد ما اتصلوا .. اتصلت رد الموظف وقال ( حاليا ما فيه شواغر في مدينتك اذا توفرت شواغر اسمك مدرج في القائمه ) قلت ليه خليتونا نسوي مقابله واختبار وبعضنا سافرت من مدينه ثانيه او جت من بعيد و بعضهم ما جددت عقد عملها السابق بناء على كلامكم و خليتونا نتأمل طول هالفتره وفي الاخر ما فيه وظائف قال ( نشكر لكم اهتمامكم للأنظمام لشركة علم طووط طوووط طوووط)


ادري تكلمت كثير بس من قهري .. ليه المماطله واللعب علينا

شركة كبيره مثلهم المفروض يتعاملون بوضوح و صدق ومواعيد محدده وواضحه مو كل مره يقولون بعد شهر او بعد العيد

وفي الاخر يقولون ما فيه وظايف ...

اما ان ما كان فيه وظايف من الاساس او كان فيه وطارت مع فيتامين د ..

حسبي الله عليهم خسرت وظيفتي كنت اشتغل بمعهد نيوهورايزن وببداية السنه ما جددت العقد عشان ما اضطر ادفع التعويض .. لكن قدر الله وما شاء فعل ..