اقتباس:
المشاركة الأصلية كتبت بواسطة تياموو
اخوي يعني انت تنصح الواحد مايروح وقت المعارض وكذا ؟
لان الناس اغلبها تقول يروح الواحد وقت المعارض وراح يلقى المصانع كلها في مكان واحد
بحيث ينقي على كيفه من الاماكن هذي انت وش وجهة نظرك ؟
هل انت تبيع في محل او تصرف البضاعة حسب الاعلانات ؟
|
هلا اخوي تياموو
صحيح المعرض يجمع لك كل شي تحت سقف واحد ومن مدن ومصانع كثيره لان الصين تقريبا كل مدينه او مقاطعه متخصصه في شي معين وتجتمع في المعرض لكن المعرض للصفقات المتوسطه والكبيره اما بالنسبة للتاجر المبتدئ اشوف خارج اوقات المعارض افضل
بضاعتي عن طريق مواقع التواصل الاجتماعي وبعض المحلات وعندي مندوبين ومندوبات بعمولات
تحياتي
اقتباس:
المشاركة الأصلية كتبت بواسطة فكيتور
الله يبيض وجهك
كلام مختصر ومفيد
وننتظر منك المزيد
سبحان الله العلي القدير
السفر للصين في بالي من اكثر من 10 سنين
وكنت قريب من ذلك
لكن إرادة الله قبل كل شي
قدر الله وما شاء فعل
منعني العمل من ذلك
والآن ولله الحمد أصبحت متفرغ ( متقاعد)
لا تقولون شايب لازلت في الأربعينات
وأفكر بجدية بالسفر للصين
تحياتي للجميع
|
هلا اخوي فكيتور
سبحان الله انا وجدت فيها راحه نفسية ممتازه جدا امن وامان يكفي الوزن الي نفقده من كثر المشي 
انا موظف واطلع في الاجازات الصغيره
وعمري قريب من عمرك والله يطول باعمارنا في طاعته وراح تسافر ان شاء الله وتشوف شيبان تعدو الستين وماشاء الله عليهم ، وانصح كل واحد ناوي يبدا يطلع بنفسه ويشوف بعينه ويشتري بعينه لا بعيون الآخرين
تحياتي
اقتباس:
المشاركة الأصلية كتبت بواسطة ماجدوف
كفو ياعاشق قوانزو اشهد بالله انك راع طيب
الله يوفقك ويوسع عليك
بعض اصحابي الله يصلحهم اشوف تغير حالتهم الماديه للافضل ماشاء الله
صرت اسمع ان عندهم مشاريع واعمال وبعدين شفت بعيوني
نروح ونجي مع بعض ولايقولون لي شاركنا او قلدنا او تعلم منا !!
بأذن الله لو انجح بمشروع او اي شغله راح اطرحها بهذا المنتدى او اي مكان ليستفيد منها غيري من ابناء الجلده
|
هلا اخوي ماجدوف
ماعليك زود ياغالي
ياخي الواحد يغير للافضل والاحسن المهم ان البعض يسافر للصين ويجيب نفس بضاعه ربعنا هنا ويتوهق الواحد يجيب شي مغاير افكار جديدة
او يجيب زي ربعنا بس بجودة اعلى وافضل
عقبال مانشوفك صاحب مشاريع عملاقة وماهي بعيده
موفق بإذن الله