السلام عليكم ورحمة الله وبركااته اسعد الله اوقاتكم بكل خير .. أعضاء هذا المنتدى ما أدري من أين أبدأ حديثي لكن لكن سأبدهـ من منطلق قوله تعالى :" وقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا " لي مع الاستغفار مواقف وكانت من أيام الجامعة . . ونا قولتها لكم وحكيتها عشان تعرفوا قد ايش للاستغفار من فوائد أو تحقيق للأمنيات لازم تعودوا أنفسكم عليهه كنت دايم ملازمة للاستغفار فاليوم 500 وتوصل للألف وكنت مخصصة قبل النوم الفترة اللي استغفر فيهاا وأنام وأنا استغفر المهم لما كنت أدرس بالجامعة قبل سنتين كانت أول ما تبدأ الاختبارات يطلع لي أي مرض مرة صداع ومرة يطلع لي اوجاع بأسناني ومرة معدتي وغيرها وكنت امسك الكتاب أبي أبدأ أذاكر وما أقرأ الا صفحة ولا أقدر أكمل من الالآم سرت استغفر بنية إن ربي يسهل أمري واختباري أو يتأجل الاختبار والله الشاهد اليوم الثاني أنه في هالمادة يتأجل الاختبار مرتين وماكنت مذاكرة في المرتين ولما اختبرتها اخذت امتياز فبفضل ربي ثم بفضل الاستغفار . . وحصلت معي حكاية اعادة لاختبار المواد كذا مرة بدون ما أطلب من دكتوراتي أو استاذاتي الاعادة لأن المستوى كان جيد وكنت لما اعيدها اخذ الامتياز وكان كله بفضل ربي ثم باستغفاري بنية التوفيق والتيسير ومرة اختبرت مادة وماحليت شي من التعب كان كله تأليف من راسي وكانت درجتي مي حلوة فيها كنت متوقعه احمل المادة معي المهم كنت عارفة انو اليوم الثاني في قاعة راح تختبر هالمادة وقبل ما أنام كنت أقول بنفسي ان شاء الله فمحاضرتنا بأكلم الدكتورة تختبرني مع القاعة الثانية ويارب توافق وسرت استغفر ربي بنية هالموضوع الموهيم اليوم الثاني جتنا وعطتنا محاضرة وبعد ماخلصت نادتني قالت فلانة تعالي وقفت عندها قالت هاتي اذنك قربت منها شوي قالت قربي كمان . . وقالت لي أنا بختبر الحين قاعة ثانية حابة تعيدي الاختبار ؟ رغم ان في بنات كثيرات درجاتهم مي حلوة وقتها مدري شنو الاحساس اللي حسيته احسسسسساااس غريب وحلو بنفس الوقت واختبرت وجبت درجة عالية بفضل ربي . . المهم تخرجت وجلست في البيت سرت افكر بالوظيفة والزواج :$ وشايلة همهم سرت استغفر ربي بنيتهم والله الشاهد على ما اقول ما يجي نهاية الاسبوع الا ومدرسة تتصل عشان وظيفة وطلبوا تحضير درس وكان معي ثنتين وصلحوا ترشيح بس ربي م أراد انقبل المهم واستمريت عالاستغفار وخلال السنة تقدموا لي فوق 5 وكنت ارفضهم لأن كنت حاطه فبالي انو يتقدم لي شخص من قبيلة معينة والله الشاهد على ما أقول ماجا نص السنة إللي تخرجت منهاا إلا وتقدم لي شخص من نفس القبيلة إللي تمنيت يكون زوجي منهاا ولله الحمد والفضل والمنة وبعد زواجي بإسبوع ونا فشهر العسل اتصلت علي مدرسة ثانية يطلبوني لوظيفة ورحت صلحت مقابلة عندهم وكان كل شي تمام . . لكن رجعت سحبت عالوظيفة بما إنه أنا فمدينة والوظيفة جتني بالمدينة إللي كنت فيها قبل اتزوج بعد الزواج استغفر الله بطلت استغفر رغم انها على لساني كل فترة وفترة لكن ان شاء الله من اليوم ورايح ارجع لها بنية ان ربي يرزقني الذرية الصالحة ويغفر ذنوبي ويستر عيوبي ويرزقني الوظيفة المناسبة ويحقق احلامي وطموحاتي ودعوة من لسان محدثتكم بإن تلزمو الاستغفار مفرج الهمووم باب بإذنه لتحقيق الامنيات . . ماحي العيوب والذنوب والزلات . . وقد يكون بابا لدخول جنة عرضها الأرض والسموات لآتنسوا ذكر الله ولآتنسوني من صالح دعواتكم ولكم مني كل دعوة طيبة في ظهر الغيب سلامي وأطيب أمنياتي محبتكم في الله . . معآني البسمةة