عرض مشاركة واحدة
  #279 (permalink)  
قديم 29-10-2013, 12:22 AM
الصورة الرمزية حلم الأمن العام
حلم الأمن العام حلم الأمن العام غير متصل
عضو نشيط
 
تاريخ التسجيل: Jun 2013
المشاركات: 182
معدل تقييم المستوى: 24
حلم الأمن العام يستحق التميز

السلام عليكم


انا كانت مقابلتي 18/12 في معهد حرس الحدود بالرياض ..



وصلنا للمعهد انا وخويي الساعة 5 و نص .. و ما فتحو الباب إلا 6 و نص ... و دخلونا بالساحة تحت المظلة ... و يجيك رقيب يقول بصوت عالي .... [ اللي جو امس يروحون للجهة الآخرى ... و اللي أول يوم يظلون تحت المظلة ] .... بعدين يجيك الرقيب ينادي بالاسماء و يسون 6 مجموعة كل مجموعة 20 طالب تقريباً ... و تروحون لمدربين باكستانيين 6 مدربين ] ... و كل مجموعة عن مدرب ... بالدور التدريب ... تجي للمدرب ياخذ منك بطاقة الاحوال و يقلك اجري لمسافة تقريباً 30 متر و ترجع له بسرعة هو يحسب لك 19 ثانيه فقط ... و ترجع له و يقلك انزل سوي بشم 25 ... انا سويت 17 و قلي وقف ... وبعدها قلي سوي تمرين بطن ... سويت 15 و بعدها يعطيك بطاقة الاحوال و تروح تصف طابور عند بوابة القبول و يقلك الجندي اللي على الباب ارفع بنطلونك للركبة و نزل القبوع و جهز صورة الشهادة ... و تدخل جو تعطي الرقيب اللي جالس صورة الشهادة و بجنبه فيه نقيب يقيس طولك [ و مشدد ] مره على الطول اللي 167 ونص .. يقوله الله يرزقك ....] و بعد ما قست طولي يقولك اجلس على الكراسي ... وبعدها يدخلون للمقابلة الشخصية عند ضباط .. و انا دخلت و سلمت عليهم و قلي وش اسمك الكامل المهم انا قلت اسمي الكامل ... هو سئلني بأسم شخص آخر و يحاول يلخبطك فأنت كون مصحصح له .. وجاوب على قد السؤال ..]

و الاسئلة من هم الخلفاء الراشدين ... و من هو وزير الداخلية .. و أقرأ سورة الناس .. و بعد الاسئلة يقلك صامل ع العسكرية ترا كرف و تعب ... و لو نحط بالجنوب ما ترفض قلت ما عندي أي مشكلة ..


و بعد ما تخلص المقابلة الشخصية تطلع برا الساحة الخارجية و يقلك البس جزمتك [ الله يكرمكم ] و انتظر برا ... تقريباً قعدنا برا ما يقارب ساعة و نص و بعدها جانا النقيب و صفنا طابور واحد و دخلونا لقاعة كبيرة لإجراء الاختبار التحريري ... [ الاختبار 15 سؤال صح و خطاً ] فقط

و من الاسئلة من هل وزير الداخلية هو احمد بن عبد العزيز .. و بعض اسئلة و الله نسيتها .. تقريباً اسئلة جداً سهله .. تقريباً مدة الاختبار من نص ساعة إلى 45 دقيقة ..


و بعد ما نخلص الاختبار طلعونا للساحة الخارجية تحت المظلة وجلسنا نص ساعة و بعدها جانا رقيب و قال روحو وتعالو بكره الخميس الصباح على الساعة 6 إلا ربع ..


و باليوم الثاني وصلنا للمعهد الساعة 5 و نص و دخلنا الساعة 6 و جلسونا بالساحة الخارجية ما يقارب ساعة و بعدها جانا جندي يوزع ورقة علينا فيه اسئلة ...

اولاً اسمك و رقم هويتك و رقم طلبك و تاريخ ميلادك و بأي مدرسة درست بكل المراحل طبعاً ..

و تحت فيه سؤال لأي الدول سافرت .. طبعاً لازم تكتب الصح و ما تخبي ..

و تحت اسئلة عن شخصيتك .. وش هوايتك و بأي مدينة حاب تتعين و بس

و بعدها بساعة ينادون بالاسماء اللي تبدأ بالحروف ... وبعدين يدخلونك عند العقيد الركن قائد المعهد .. تعطيه الورقة و يسئلك ابوك وين يشتغل .... لك بالدخان ... و بس و يقولك روح و انتظر النتيجة على الجوال أو النت ..




و بس .... بآلتوفيـق يا شباب وفالنا جميعاً الدورة يآإأرب ..

رد مع اقتباس