[align=center]مساء الخير .. معليش اختي مشرفة القسم ... ممكن كلامي اللي بكتبه ذا يكون خارج عن الموضوع بس لان الموضوع اللي انفتح ضدي انقفل بدون ما ارد عليه او على الهجوم اللي حصل ضدي بدون وجه حق ..

في موضوع انفتح اليوم عن تغريدة وحده تسأل وتستفسر الخنين عن نقاط قياس هل بتاثر بنقاط المفاضلة او لا الخ ... التغريدة انا صاحبتها .. اي نعم انا اللي اللي استفسرت اليوم الصباح ... ولاحظوا جميعا اني قلت استفسرت ولم احرض او اقترح الفكرة .. عارفين ليش ياللي هاجمتوني وبالذات ياللي فتحت هالموضوع ودخلت في نواياي ؟ .. لان ومن هذا المنتدى وما اذكر في اي تجمع يا هنا يا تجمع المنتظرات للمفاضلة وحدة ذكرت اني درجة قياس راح تخفض النقاط يعني اللي وصلت للثمانين ممكن تنزل للسبعين .... وهذه من بركات اشاعات البنات طبعا هذا اللي اكتشفته هالحظة .. وانا لي 11 سنة ويالله وصلت 81 هل من المعقول عقب كل هالسنين ارجع للسبعين عشان قياس ؟ طبعا سالت البنت ليه واشلون ما جاني رد ورجعت سالت برضو لا جواب فاكلني قلبي رحت سالت قياس بتويتر قالي احنا انتهى دورنا عقب النتائج وهالكلام موجود بتغريداتي حق اليومين السابقة ودقيت اليوم على الوزارة كان خطهم معلق عيا يمسك رجعت ارسلت للخنين هالاستفسار باعتباره مصدر معلومات صحيح وموثوق عن الخدمة ليطمئن قلبي وللحين ولهاللحظة وانا اكتب ما جاني رد منه .. على سؤالي وليس عرض فكرتي او اقتراحي ... اللي حصل ان في وحده الله يسامحها ما راح ادعي عليها مثل ما دعت علي .. اخذت تغريدتي ونسختها هنا وشبت عليها حطب .. طيب عزيزتي اذا تغريدتي ضايقتك تعالي لي عالمنشن وعاتبيني صدقيني كنتي راح تعرفي اللبس قبل تتكلمي .. لا تعاتبي خشي على تغريداتي وشوفي وش كاتبة حول اسقاط قياس وتعيين الجميع دون استثناء من ضمن مشاركاتي مع حملة #خريجات_جامعيات_قديمات_عاطلات .. انتي ظلمتيني ودخلتي في نواياي ياللي نقلتي التغريدات .. وشبيتي الحطب وخليتي البنات وراك يشبون ما يدرون شسالفة .. انا مو انانية مثل ما قلتي لو اني انانية ما كنت واقفة مع اللي ما اجتازوا واطالب في الحملة بالغاء قياس وتوظيف الاقدميات بدون استثناء وشروط .. لو انا انانية ما كنت عزمت وكلمت البنات اني بطلع معهم عالامارة في تجمع بنات الشرقية اذا حددوا الموعد وارسل معهم برقية للديوان .. وعندكم تغريداتي من يومين تقدروا تتأكدوا من صحة كلامي ... انا مو انانية انا انسانة انخرشت من اشاعاتكم بهالمنتدى .. كلكم دعيتوا علي بدون وجه حق ودخلتوا بنيتي اني مابي الخير الا لنفسي .. لكن ما راح اقول مثل الملائكة ولك بالمثل .. كل اللي اقوله الله يسامحكم بس ... حبيت اوضح اللبس لاني اكره الظلم ... لا طلبا لرضاكم وعفوكم لانه ما يهمني اصلا وانما وضحت لابراء ذمتي اللي دخلتوا فيها ... وهذا حسابي بتويتر اللي يبرئني من بهتان صاحبة الموضوع 3z_al_ghamdi@ ... والله يسامحكم جميعا .

ارجوا من المشرفة التاكد من ان الجميع اتضحت لهم الصورة قبل حذف موضوعي هذا .. احساس الظلم شين . واللي تبي تفهم تفهم واللي مخها محجر الله يعينها على نفسها . خروووووووووج الى موعد المفاضلات . [/align]