اقتباس:
المشاركة الأصلية كتبت بواسطة بن هديبان
بارك الله فيك
اخوي إبداع التصميم
يعني ما حد يقدر يشتري من جبل على اي شي الا اذا كان عنده هالرخصه ؟
حسب خبرتك قد ايش الفرق بين الأسعار في جبل على عن الصين بالنسبه للبضائع الصينيه ؟
جزاك الله خير
|
الله يبارك فيك اخوي بن هديبان
بالنسبة لاستفسارك الاول ، نعم في المنطقة الحرة الي يأخذون منها اصحاب الرخص وهي رخيصة جداً مقارنة بالمحلات في دبي والوطن العربي
اما بالنسبة الفرق في الاسعار بين جبل علي والصين اكيد فيه فرق لكن لا يذكر بالنسبة لأصحاب رؤؤس الاموال الصغيره
وبوضح لك على سبيل المثال
لو افترضنا رأس مالك 50.000 ريال سعودي
وبتطلب بضاعتك من الصين ، لو بتروح انت بنفسك حط لنفسك كذلك ميزانية ثانية ( مترجم - تذاكر - فندق - مواصلات - اكل وشرب )
وبالنهاية راح تشحن وراح يكون عليك ( اجور شحن - ضرائب و جمارك عند الوصول )
اي انك ستنفق تقريباً 15.000 الى 20.000 ريال ! في هالامور
لو تطلب من جبل علي بنفس رأس المال ( على اعتبار ان مافي وسيط وان عندك رخصة تجارية )
اولاً راح توفر من ناحية ( المترجم ما بتحتاج ، التذاكر مو مكلفة واصلاً ليش تذاكر دق سلف السيارة وتوصل دبي 
، الفنادق شوي غاليه ، المعيشة غاليه ، بس ماراح تحتاج نفس الوقت الي راح تقضيه في الصين ، مجرد ثلاث ايام بالكثير وامورك منتهيه 
)
صحيح اكيد يوجد فرق بين جبل علي والصين ولكن هالفرق بالنسبة للتاجر الكبير راح تفرق معه اما التاجر الصغير الافضل له من وجهة نظري يطلب من جبل علي
لان اصلاً راح يوفر في الشحن خصوصاً لو بيشحن للسعودية ، اليمن ، عمان
بالنسبة للجمارك لو الطلب صغير مثل بعض الطلبيات الي اقوم بتنفيذها يعني رأس مالها بين 2000 الى 8000 ريال ، اضمن لهم عدم دفع اي جمرك او ضريبه
اما لو رأس مالك 50.000 ريال وفوق ، يستحسن تسوي لك سجل تجاري لانه راح يخضع للجمارك ( ولكن ممكن اخفضها لك لأدنى حد معقول 
)
بس في حالة الامارات مثل ماخبرتك راح تحتاج رخصة سارية المفعول صادرة من الامارات
ولو انت حاب تجي تشوف بنفسك وارشدك على كل شيء مو مشكلة نتفق على عمولة معينة وحياك الله استقبلك من والى لين ترجع بالسلامه انت والبضاعه الي تشتريها
اي استفسار انا في الخدمة واعذرني لو كان ردي ملخبط فوق لاني مو مشغول شوي وحاسس اني مو مركز وانا بكتب الرد لك 