أنا انسانة طموحة . . كنت أتمنى التحق بالجامعة بقسم الفني والتدبير المنزلي لكن ماحالفني الحظ وخيرة من ربي ودخلت قسم الشريعة وكنت ابي اغيره وتذكرت قول الرسول : (إذا أراد الله بعبد خير فقهه في الدين ) في مامعناه
وكملت فيه والحمدلله تمنيت وطمحت اكمل الماستر وتحطمت مافي الا الواسطات رغم ان معدلي عالي ومع مرتبة الشرف
مهنة التدريس كنت اتمناهاا في الجامعة ولكن تبخرت احلامي وتخليت عنهاا ودفنتها

قبل 3 سنوات تقريبا حلمت حلم مرتين اني اقرأ سور من القران وكانت مختلفة

المهم فسرتهاا وكان تفسيرهاا

إني راح ارزق بخير وزوج من مكانة ومنصب وجاه وان راح ادخل مشروع واشوف رزق وخير منه وأن أكون من منزلة الشهداء والصديقين

المهم نسيت الحلم

بعدسنتين اللي هو العام تزوجت ولله الحمد والمنة من واحد اهله اخلاق و منصب وجاه
السنة الثانية جتني فكرة المشروع ويارب باب رزقي وتتيسر واستمر فيهاا
السنة الثالثة يارب تحقق لي اياها وأكون شهيدة

وقبل كم يوم تذكرت الحلم وتفسيره وقلت سبحان الله

لي مشروع خاص وأتمنى وأطمح
واحب إنه يستمر مشروعي بدعم ومساعدة لأن شفت منه مكسب حلو وبشكل ماكنت اتوقعه
بس كانت لمدة وبعدها كل فترة وفترة حسب الاحتياج

( زيت للشعر ) صلحته لي لأن عانيت من تساقط لمدة 13 سنة واستخدمته شهرين مستمرة وكانت نتايجه بشكل ممتاز ومحد يتخيله
ومن هنا كانت انطلاقة الفكرة لمشروعي الخاص من بعد سنة من عملي للزيت

جا فبالي اصلح اعلان بالنت ولقيت زباين
جافبالي كمان امر لمشاغل ومريت لكن اكثرهم كانو متخوفين وكانوا يقولو احنا نحتاج مثل هالاشياء بس لازم تكون مضمونه ومصرحة

ومشغل مريته قالت لي صاحبته طلعي تصريح له وانا مستعدة اخذ منك كراتين بمبلغ معين
عشان لا نخسر سمعتنا وزبوناتنا

مشغل مريته وكانت صاحبته كبيرة بالسن سعودية الله يسعدها ويذكرها بالخير طرحت لها الموضوع

قالت راح اخذ منك علبة للتجربة باقل من السعر فرحبت لأني واثقة ولله الحمد من نتايجه المهم ردت لي برسالة بعد شهر قالت ماشاء الله الزيت طيب وكويس واستخدمته ع وحدة من عاملاتها ومدحته قالت راح اتعامل معك حسب الطلب وراح يكون باسم محلنا قلت ماعندي مشكله

صحباتي استخدموه ومدحوه بس ماقلت لهم انو انا اللي مصلحته لأن أحس باحراج لكن الحين بالعكس مبسوطه وشجعني اخوي اني اطلع تصريح له ويفتحلي محل لكن ياحسرة

من وين وكيف وزوجي مو فاضي مرتبط بدوامات واستلامات

وتاجر من تجار الزيوت قال شغلة التصريح صعبة ويبغالكم سنة لما تطلعوه وخط انتاج مصنع وكلام ماني عارفة اش هووو وتحطمت

انا بس لا طلعت تصريح راح اكتفي بالصيدليات والمشاغل يمكن ما افكر افتح محل أنا اصلحه بالبيت واوزع

وكل شي يتسهل ويهون




ونصيحه من محبة في الله لا احد يحط يده ويستنى وظيفه كل واحد يفكر بمشروع من كل جوانبه
ويبدأ فيه بعدها نستغني عن هالوظائف اللي نجري وراهاا ويجي يوم يسير هم يجرو وراناا


ادري طولت بس العذر والسموحة للاطاله

أتمنى للجميع التوفيق والخير والرزق الحلااااال