السلام عليكم
صباح الخير للجميع
الحمد لله اليوم كانت مقابلتي الساعة ١٠:٤٥ دقيقة
الوضع بشكل عام مريح جداً جداً كان في المقابلة رجل وامرأة اول مادخلت سألوني متى تخرجتي وايش التخصص الدقيق وايش نقاط القوة وليش ما اخترت القطاع الخاص ،، السؤال اللي حسيت اني جبت العيد فيه لما سألوني عن الاختلاط وكرروه علي كم مرة قلت لهم انا رفضت شركات عالمية بسبب الاختلاط وان مكتب الرجل بجانب مكتب المرأة بعدين سألتني الحرمة طيب لو كان الوضع اجتماعات وكذا قلت مافيه مشكلة لان مو بشكل دائم وطول اليوم،، رجع الرجال سألني قال يمكن يكون اجتماعات طول الأسبوع مع رجال وكذا قلت لهم انا تركت وظائف كثيرة بسبب الاختلاط وقرأت تجارب كثير ان الاختلاط يقتل الحياء في الإنسان والواحد مايبيع آخرته عشان دنياه >> هنا الرجال قال لي الله يجزاك خير الإخوات هنا ماباعوا اخرتهم قلت لا مو كذا بس بالنسبة لي الوضع مو مريح أبدا قال احنا نحترم قيمك ومبادئك وكذا قلت لهم شكرًا وقال خلاص ،،
سألتهم متى النتائج قال بعد ثلاث أسابيع لو فيه شي راح نرسل لك لو مافيه ماراح نرسل لك ،، ما ادري حسيت كل شي حلو ماعدا ردي بالنسبة لموضوع الاختلاط ،، لما طلعت جلست ابكي مدري تصرفي صح او لا لكن تكلمت بسجيتي وعلى تربيتي ومبادئي قد اكون اخطأت الله اعلم ،، في النهاية كانت تجربة لي واستفدت منها ،، الله يكتب لي الخير وين ماكان ويعوضني خير ،، والله يوفقكم جميعا