السلام عليكم

اليوم أختبرت في الحرس ( الرياض )

وذااكررت كل الاسئله اللي في هالموضوع

وراجعت الملف اللي وضعه الأخ مؤيد

لكن للأسف الشديد ,, القرمر مختلف كلياااا ,, ماجاء شي من الموجود بهالموضوع غير سؤالين او ثلاث فقط

وكذلك الفوكابلري ,, ماجاء الا 2 فقط اما الباقي مختتلف

وبالنسبه للريدنق ,, نفس القطع تماما اللي هي ( القهوه , السمك , تنظيم الوقت , وقطعه رابعه نسيتها )

طبعااا ما اتذكر ابداااا اي سؤؤال من شدة الإحبااط اللي صارلي وانا في الاختبار

وبالاخير لما خلصت ,, جبت 62 من 100 ,, وانا عارفه ان اقل درجة للبكالوريوس هي 65

لكن ولله الحمد والمنه ,, قالت لي الموظفه اني نجحت وعديت الامتحان

((( هنا ابغى اسأل ,, هل درجة النجاح في الاختبار تختلف من تخصص لأخر ,, يعني تخصص أدبي كعلم اجتماع يكون من كم درجة النجاح ؟ ))

وبعد كذاا دخلت للمقابله المبدئيه طبعا اغلب الاسئله بالانجلش

وبدأت بعرفي بنفسك ,, وكل شي كتبته بالسي في سألتني عنه

وش اخر كتاب قرأتيه ؟ ,, وش سويتي من سنة التخرج لحد الأن ؟ كيف تواصلتي مع تخصصك بهالفتره ؟

ليش ماكملتي ماستر ؟

لو مثلا تعينتي عندنا وجت لك حاله تصرفاتها ( شرح لتصرفات الحاله ) وش راح يكون تعاملك معها ؟؟

هل لك حد معين من الصبر على الحالات وبعد كذا خلاص ماعاد تتحملين ؟ ومتى تفقدين صبرك ؟

سلبياتك ؟ ايجابياتك ؟ وين طبقتي ايام دراستك ؟ وش استفدتي من التطبيق ؟

عندك مانع لو شغلناك شفتات ؟

لنا فروع في اماكن متفرقه في الرياض غير الفرع الرئيسي هذا ,, لو وظفناك هناك عادي ؟

هل قدمتي على اي وظيفه قبل هذي ؟ ووين ؟

مانوع الشخصيات اللي تعاملتي معها في حياتك ؟ واصعب شخصيه مرت عليك ؟ وكيف قدرتي تتعاملين معها ؟

لو رشحناك لوظيفه أقل من مؤهلك ,, تقبلين ؟

انتي تخصصك يصنف من الكادر الصحي ,, بس لو مافيه شاغر ,, ورشحناك كإداريه .. عادي او لا ؟

ووبس تقريبا هذي هي الاسئله

والله يووفقناا ويااكم يارب

وشكرا جزززيلا لكل شخص تعب وكتب اي سؤال هنااا ,, شكرا من القلب على مجهوداتكم

اللله يووفقكم ويرزقكم من حيث لا تحتسبون