السلام عليكم

انا كانت مقابلتي يوم الاحد

دخلت المكان الساعه تسعه ونادوا على اسمي الساعه 12

المهم اول مادخلت اعطيتهم اوراقي عشان يطابقوها وقالت لنا موظفة فصخوا العبايات يعني حطوا في حسابكم تلبسون تنانير لانهم يلزموا انك تفتحي العباية

بعدين جلسنا وكانو حاطين ضيافة قهوة وشاي وشغلات خفيفة
خذيت لي قهوة وروقت وجا دوري

دخلت سلمت وقعدت وكانو اربعه موظفات وحدة فيهم معاها ملفي وسألتني اول سؤال عرفي عن نفسك ؟؟ طبعا اسمك عمرك الحالة الاجتماعية ومن أي منطقة الجامعة الي تخرجتي منها واي عام بالاضافة لدوراتك

بعدها سألتني وحدة منهم ليش اخذتي دورة سكرتارية واش علاقتها بتخصصك

وسؤال تاني ليه اخدتي دورة خدمة عملاء وعلاقتها بتخصصك

وسألتي لو جاتك عميلة او مراجعة معصبة ؟؟؟ كيف تتعاملين معاها
قلت لها راح اهديها واكلمها بنبرة هادية
ممكن اكرمها بقهوة او شاي
اعرف اش مشكلتها بالضبط
اقترح عليها كذا حل
مانفع ابين لها حدود صلاحيتي

وكل شوي تقول لو مانفع لو ماهدت
اخر شي قلت لها بكلم الادارة تتفاهم معاها ( عجزتني )

كمان سألتني من وين طلعتي بطاقتك واي فرع واش سلبيات وايجابيات الاحوال

عاد قلت لها ع الايجابيات
والسلبيات اتكلمت معاها عن الموقع وانه يعلق ومايقبل أي متصفح ويقبل اضافة مواعيد على بعض ومايلغي مواعيد

قامت تقول لي انتي جاية عشان تورينا عيوبنا ( تحاول تستفزني ) قلت لها انو الموقع اصلا للمواطن ومن حقة ان يقدم له الموقع أحسن خدمة

وسألتني عن تقبلي تعيشي سنة بالرياض ؟؟ ومين مرافق معك ؟؟وعن رغباتي
واكدت علي ان مافي نقل ابد

وليش قدمتي على الاحوال ؟؟
واخر شي اذا عندك سؤال تسألينهم

اخدت تقريبا ربع ساعه المقابلة وكانت اغلبها سوالف حبوبات بس وحدة كدا كشيت منها

خرجت 12 وربع وعلى طول ع المطار رحلتي كانت الساعه 6 العصر

بس ماقدرت اقعد ساعة زيادة هناك قدمت رحلتي ع الساعه 2 ورجعت على طول


في بنات قالو لهم جيبي موضوع من عندك واتكلمي عنه
في بنات قالو لهم عرفي الوظيفة
وكمان لو جات مديرتك وقالت لك ابغاك تتوسطي لفلانه قريبتي تخلصي امورها كيف تتصرفي ؟؟

واغلب المقابله كانت سيناريوهات

لو مديرتك عصبية
لو عميلتك كلامها كثير


وذا كل الي عندي واذا عندكم أي سؤال اتفضلوا