شوف انت شاطر بايش؟؟

انت طالب صح؟؟
معناها تحتاج وظيفه مسائيه

الجمعيات الخيريه
شركات توفر دوام جزئي وهالشي بتلاقيه في موقع بيت للتوظيف << كثير عروض جاتني من خلاله و كثير بعد ما كلموني

تقدر من راس مالك 990 تستخدم 500 اول الشهر تشتري فيها خضره وتبيعها
ما عندي خبره بس اعرف انها تدر دخل معقول

تشوف تسوي لنفسك مشروع خدمي .. مؤسسة خدمات تقوم عليك انت بس
مثلا تعلم السواقين الجدد القياده قبل لا يروحون مدارس السواقه
بابا مثلا وكثير رجال بعمره مستعد يتعامل مع شخص يريحه من عناء تعليم السواقين القياده
و كل مره يسقط بالمدرسه و كل مره برسوم غير الرشاوي طبعا

او مثلا مشروع تعليمي للاولاد بسن معين من عمر 12 سنه مثلا مدرس خصوصي للغه الانجليزيه او حل واجبات للاولاد
ترى ما في هالخدمه بشكل واسع للرجال و اذا في فا اغلبهم اجانب وتجيك لغة العيال مضروبه
بنات عمتي الانجليزي حقهم على هندي
اخوي ايام المدرسه كان على مصري

و برضو اكيد تخصصك الجامعي بينفعك انك تاخذ خبره في مجالك كا متدرب براتب بسيط