السلام عليكم ورحمة الله وبركاته
اخت لؤلؤة البحار بالله عليك الي عنده واسطه بيفتح موضوع بمنتدى يسأل والا بيتكي في بيته والواسطه تنهي اجراءته ؟!!! سبحان الله في بعض البشر كانها تنكر على الله صفة الرزق وكأن البشر اقوى من ارادة الله اختي لؤلؤة تطمني انا عاطله مثلك لكن ماشيه في مشروع تجاري وان شاء الله اتوفق وانسى شيء اسمه خدمه مدنيه لان تسع اعشار الرزق من التجاره والله يرزقنا من فضله ولا يحوجنا لخلقه بعدين الحمدلله حنا بنات حلال ندور الحلال الخالص دون ان تشوبه شائبه وماتعودنا نأخذ لقمة غيرنا وعشان تطمنين ويرتاح بالك اقسم بالله العلي العظيم ان اختي انقبلت بدون واسطه او تدخل احد لا من قريب ولا من بعيد ترى كلنا لنا كتاب بيده سبحانه يقسم لنا ارزاقنا بمشيئته سبحانه وبعدين اختي لها سنين عاطله وعندها شهادات حاسب ولغات وخبرات اداريه متنوعه و مع هذا كله مرتبه سادسه والراتب مايكفي هالايام الي مثلها المفروض مستوى عاشر لكن نقول الحمدلله والله يكتب لها الخير وين ماكان وخلي ايمانك بالله كبير وثقي فيه وادعيه ولن يخيبك ابدااا سبحانه جل شانه .
اشكر كل النوايا الصافيه الطيبه التي ادلت بحروف كريمه ودعوات صادقه واسأل الله لها التوفيق في الدارين
ملاحظه : الوالده تقول ان الي كلمتها قالت لها مو بس المطلوب الموجود بالصفحه لا قالت تجيب خبراتها الي ذكرتها في المقابله وكمان تجيب بريد بس مدري وش البريد هل ايميل او صندوق بريد يعني الي كذبت وقالت عندها شهادات وخبرات راح تستبعد لان اعتقد انهم بيطابقون النموذج الي عبوه القضاه والله اعلم
اخت امل باسل الله يوفقك ويتمم لك على خير ويرزقك الرزق الحلال الطيب ياليت تتاكدين من البريد وش المقصود وياليت تذكرين لي وش قالت لك بالضبط

اللهم ارزقنا من حيث نحتسب ومن حيث لانحتسب وابعد عنا شرور خلقك