السلام عليكم ورحمة الله وبركاته

اليوم رحت الصباح وصلت للمصلحة الفرع الرئيسي في الوشم على الساعة 9 حكم . . . تخيلو ان مافي احد الا انا وواحد فقط نطابق!!!؟ وسألت الموظف وقالي ان كلهم طابقو امس الاحد ومافي الا موظفين اثنين يستقبلون للمطابقة والادارة بشكل عام مكاتبها فاااااضية !!؟ مادام ان في احتياج ليه كل هالتعقيد وحب الخشوم وكل سنة يطرحون حول 40 وظيفة بس !!

طبعا على كلام الموظف يقول ان الاحتياج 50 وظيفة هالسنة فقط ! الله يستر ما تروح

وسألته متى ترسلون لنا موعد الاختبار قال بعد شهر وقلت له في ناس يقولون بعد اسبوعين قال خذ العلم مني بعد شهر . . . مشوااار ربك يعين

طبعا المطابقة ككل ما اخذت ولا دقيقتين

هذا اللي صار بأختصار


لكن حبيت استفسر عن شغله

هل اللي حط في الرغبات المكانية الرياض المقر الرئيسي هل اذا توظف راح يكون في نفس رغبته ؟

لاني الصراحة غلطت غلطة حياتي يوم حطيتها المنطقة ذيك الوشم وطريق الملك فهد زحمة وقلق بقوووة كنت اتمنى اني حطيت الفرع اللي بين مخرج 14 و 15 اقرب ومافي أي اشارات ولا شي على طول على الدايري . . . المشكلة وقت التقديم الواحد يستعجل ولا يفكر صح يبي يلحق