اقتباس:
المشاركة الأصلية كتبت بواسطة بروسيوس
انا معاك ان المهمله مهمله حتى لو كانت فاضيه وماعندها شي
لكن فيه اشياء تجبر الحرمه على الاهمال حتى لو هي سنعه وبنت اجاويد
مثل لا قدر الله (المرض ) و مثل الوظيفه
طيب انا عندي سؤالين بسيطه باليت تجاوبيني عليها لو عندك طفل عمره 3 سنوات وعندك دوام من 7 الى الظهر وين بتودين هالطفل
االسؤال الثاني سؤال بسيط جداالزوج بيجي من الدوام الساعه 2 ممكن تقوليلنا وين بيتغدا بالمطعم ولا عند اهله والا الشغاله تسويله غدا
ياليت تجاوبيني على هالسؤالين بدون مايلحقهم اهمال
طبعا هالاساله بسيطه بالنسبه لحق الاطفال وحق الزوج وحقك الشخصي من راحه وغيره
|
الإجابة بسيييطة الطفل بودعه الله اللي أبرك مني وممايجمعون وأحطه فالحضانة
ولما أطلع الظهر بيكون معي وبالنسبة للغداء لاتشيلون همه أبدااا أصلا غالبا الغداء عندنا رز الله لايغير علينا نعمته
فبعض الموظفات تشب على غداها مع عشاها وهي جالسة فالمطبخ تشتغل للعشاء تشب على دجاجتها أو
لحمتها وتخليها تستوي وتبرد شوي وتحطها فالثلاجة وتغسل رزها وتنقعه وتحطه فالثلاجة فلما تطلع
هي وزوجها من الدوامات تطلع قدرها وتسخنه وتكب رزها كلها نص ساعة ويكون جااهز للأكل والحمدلله
وكان بتسوي مرقه ولا سلطة مع الغداء تسويها فالليل وتسخنها مع الغداء وجعله بالعافية ليش معقدين موضوع
الغداء ومحسسينا أن الرجال بيجي من الدهناء مقطعه ماهو لاقي ماياكل ترا أغلب الدوامات عندنا مش حالك
يروح من الصبح ويتسند على ذاك الكرسي ويدبغ أمها فطور ويجلس شويتين ويرجع مافيه أحد يتعب بدوامه
إلا القليل مثل بعض العساكر وبعض موظفين القطاع الخاص أما الباقي فمعلييش موب راجع منهك
أنتم تحسسونا أن رجال هاليومين شغلهم وتعبهم مثل الأولين وإذا جوا للبيت لاااازم أكل ورااحة وتنقيع رجوول
لا ترا الأولين مايشتغلون بمكاتب مثل الحين ولا عندهم مكيفات وشغلهم عالأوراق لااا كان شغلهم شغلللل
يا في زراعة ولا حمالين ولا يبنون يعني أشغال كلها مشقه وتعب أحس ظلم مقارنة ذاك الجيل بالجيل الجديد
وطلب من بنات هالجيل يعيشون ذااك الجيييل مع جييلهم والرجال لا ماعليه إلا يعيش يومه بدون أي ضغوطات
عموما جاوبت عالأسئلة اللي انطرحت وعادي أكمل اللي بيصير بعد الغداء بيرقد الرجال شوي وممكن هي
بعد ترقد لها ساعتين تريح فيهن ويقومون هو يطلع برا وهي تجلس تقابل بيتها وعيالها لييين الليل
وبس ماتبي تعقيد السالفة .