السلاام عليكم ورحمة الله وبركاته
طالبتكم توضحو لي قبل ماتورط واخسر
تخبرون مكاتب الاستقدام يطلبون مبالغ مبالغ فيها
وحده عطتني رقم فلبينيه تقول انه عن طريقها ممكن اجيب بمبلغ اقل بكثير
تواصلت مع الفلبينيه بالرياض وقالت موجود خياطه اشتغلت بدبي ممتازه
عطتني إيميل مكتب تقول بالفلبين تواصلت معهم وطلبو التاشيره وصورة البطاقه
وقالو السعر 3200دولار يعادل 12000ريال سعودي الفرق عن مكاتب السعوديه
ثلاثه الااف فقط رسلت لهم التاشيره وصورة البطاقه وبعد كم يوم قالو احول
نص المبلغ سته رسلو لي رقم الحساب خايفه احول ويكونو نصابين سبق احد
منكم تعامل مع مكاتب بالفلبين وتم ارسال العماله من غير اي نصب
فكرت انه لو جأت العامله ورفضت العمل اتواصل مع مين وانا مااعرف احد
حتى الفلبينيه اللي بالرياض مااعرفها تواصلي معها اتصالات جوال فقط
ابي نصيحتكم احول لهم واستقدم عن طريقهم او لا
وان حصل ورفضت هل ممكن يستقدمون باسمي على التاشيره
وربي محتاره وخايفه يسببون لي مشاكل بهالتاشيره
مع اني سمعت من نساء انهم جابو عاملة وشغالاات بهالطريقه لكن متردده
ماني مرتاحه نهائي شكلي تورطت الله يسامح اللي شارت علي بهالشور
انتظر ردودكم وتوجيهكم الله يبارك فيكم