المشاركة الأصلية كتبت بواسطة في بداية الطريق

يعطيك العافيه اخوي باحث وظيفي

انا من رائيي اهم حاجه للمبتدئ هو التميز والاخلاق وحسن التعامل مع الغير
هذي الثلاث نقاط اعتقد لو توفرة فيك وفي مشروعك راح تنجح بإذن الله
بذكر لكم قصه لواحد من التجار قالها لي

يقول عندي مغسلة سيارات من اشهر المغاسل الموجوده بالقصيم
مره من المرات جاني زبون معها جيب جديد حوض 2013 ودخله بالمغسله
بعد ماخلصوا العمال من التغسيل قام يهوشهم وسبب ان فيه مخش بسيط برفرف الجيب ويقول ان العامل هو السبب

قام العامل وتصل على التاجر وقاله السالفه

التاجر جاء للمغسلة وشاف الرجال للحين رافع صوته ومعصب
يقول سلمت عليه وشفيك يالحبيب عساه ماشر
عرف السالفه منه وقال خلاص الحل عندي
يقول رحت انا وياه للوكاله وشتريت له رفرف جديد

يقول الحين دايم اشوفه بالمغسله بس اذا شفني موجود استحى وغطاء وجهه

اهم حاجه لحفاظ على الزباين هو حسن التعامل حتى الزباين لو ارتاحوا لك راح يشجعونك
وايضاء راح تحصل ناس حاسدينك ويحاول انك تخسر باي طريقه

اسف على الاطاله

شكرا لك اخوي مره ثانيه