اقتباس:
المشاركة الأصلية كتبت بواسطة عاطل من سنين
السلام عليكم ورحمه الله وبركاته (( كل عام والجميع بخير ))
|
اقتباس:
المشاركة الأصلية كتبت بواسطة عاطل من سنين
ابشركم ياشباب انا انقبلت وطلع اسمي في حفر الباطن في مدينه الملك خالد العسكريه ,
جيت اول يوم ووقع القايد قرارا المباشره وقالوا لي رح فصل بدله وتعال بعد اسبوع , فصلت ورجعن لهم , والدوام مثل ماتفضلوا الشباب مريح مره على رتبه وكيل رقيب , وشغلتي هي كاتب السريه , بس الى الان ماعدلت المهنه في البطاقه ( من طالب الى عسكري ) علشان كذا مانزل لي راتب الشهر هذا , واللى عنده فكره عن راتب وكيل رقيب ياليت يقول لنا او اللى نزل لهم راتب الشهر هذا , والصنف حق شهاده الدبلوم هو 1200 زياده على الراتب او لا .
المعذره ياأخوان والله مافضيت كل الفتره الماضيه ولا كنت ناوي ارد لكم باسرع وقت , لكن ماغير رايح للحفر وجاي منها .
والف الف الف مبروك للى تعينوا .
|
ما شاء الله مبروك اخوي عاطل من سنين
والحفر ممتازة على كلام الشباب الي اعرفهم تعينو هناك بس انت في اي منطقة!!!
انا بنسبة لي ما كنت ابي الحفر مع اني من القصيم والحفر قريبة لي
لكن على كلام الشباب ان الحفر ممتازة مابها شغل ولا بها عسكرية الي حنا نعرف
بس مشكلتها نك في بر ولا حولك ديرة او مدينة تضيع الوقت فيها
وانا الان في مدينة الملك فهد بظهران والصراحة متحسف وأقول ليتني في الحفر!!
الشرقية غالية من ناحية السكن والمواد الغذائية
لكن بها ميزة انك إذا طلعت من الدوام خلاص تنسى العسكرية وتعيش مع العالم 
ولا عندنا صفة ولا هم يحزنون بس اللهم صفة كل يوم ثلاثاء الصباح قبل الدوم بــ10 دقائق (استرح واستعد إن صراف بس..
)
ولبسنا لبس تفتيش وليس المموه ولا يلبسة إلا الي يعمل في قيادة المنطقة
بنسبة لراتب ماله دخل في تعديل المهنة لني اعرف ناس لهم في العسكرية ثلاث سنين ماعدلو المهنة وينزل لهم راتب
بنسبة لراتب اخويانا في الحفر نزل لهم 5600 ريال بدون صنف التقنية ومع 15 يوم من شهر شعبان الي باشرو به
وصنف التقنية مثل ما قالو لي الفرع المالي انه بحدود 1350 ريال
وعلى فكرة الصنف ما تاخذة إلى بعد دورة فرد الاساس
وان ان شاء الله دورتي في مدرسة الكتبة في خميس مشيط بتاريخ 18 من شهر شوال
وودي اسئلك اخي عاطل من سنين هل تنصحني انقل للحفر او لا؟؟؟؟؟
وهل حصل سكن في القاعدة او خارج القاعدة؟؟؟؟
انا بنتظار ردك على احر من الجمر
والله يوفقنا وياك لك خير