اقتباس:
المشاركة الأصلية كتبت بواسطة ولد فارس
السلام عليكم ورحمة الله وبركاته ,,, صباح الياسمين
اخواني الاعزاء انا اتصلت على ادارة الجامعة بخصوص اختبارات الاعادة وافادني الموظف انه كان فيه تقديمين واحد كان بشهر 9 والثاني شهر 11 .
الاختبارات والمقابلات التي تجري الان هي لمن تقدم بشهر رمضان اما اختبارات ومقابلات الي قدموا شهر 11 فقد افادني الموظف انها ستجري في شهر 3 وشهر 4
حبيت ابلغكم لان اغلبكم مثلي مستغرب مااتصلوا عليه ولااختبروه ,, مع جزيل الشكر
|
أخوي
لا تصدق أي إدارة حكومية معتقة و مغبرة مثل اللي في جامعة الإمام أو جامعة الملك سعود و غيرها كثير
أنا لي تجربة في الاتصال على عمادة الدراسات العليا في جامعة الملك سعود
و الله يا هم سحبوا فيني و بكلام كله كذب و تصريف ( أكثر من شخص إلى أن وصلت لمدير البرنامج الأكاديمي اللي مسجل فيه و لا كان يرد على تلفونه أبد ، و اللي قبله كل واحد يقول كلام غير ، و في الأخير اكتشف من منتدى طلاب الجامعة أن كلامهم خرطي و الله كذب و بكل بجاحة -- معليش على الكلمات لكني مغبون من التصرف الحقير اللي سووه معي رغم إن الموضوع له يمكن ثلاث سنين و تصرفهم حقير لأنهم كان بإمكانهم بكل بساطة يعلموني بالحقيقة و يقولون خلاص انتهى فرز الأسماء و لا طلع اسمك و لا شيء وش بأسوي لهم يعني )
فلذلك لا أستبعد عدم صحة الكلام اللي ذكر لك
زوجتي مقدمة في شهر 11 على العقيدة ، و اختبرت الاختبار التحريري قبل حوالي أسبوعين أو ثلاث
فمعناته الكلام اللي قال لك إياه الشخص غير صحيح ( لأن كلامه كان بصيغة التعميم على كل الأقسام بحسب نقلك أنت )
وفق الله الجميع لما يحب و يرضى