اقتباس:
المشاركة الأصلية كتبت بواسطة فرفوووشه
اهلا سمايلنق ممكن طلب انا لاحظت لك مشاركات بأكثر من تجمع لوظائف المعيدية ممكن تكتبي لنا تجاربك ونصايحك من حيث الاستعداد للاختبار وطريقة الاسئلة وكل شي وكمان اذا احد عندة فكره بالعادة بعد كم يكون الاختبار وهل راح نختبر قبل الاجازة ام بعدها ياليت تقوولوا توقعاتكم بصراحة انا اول مره اقدم ومو عارفة شي.
|
هلا حبيبي
اكيد هنا في ناس اكثر خبرة مني بكثير وفي ناس قدمت اكثر من مرة ع جامعة ام القرى ..
بس انا اول مرة اقدم ع ام القرى ..
عموما حفيدك ب اللي عندي ..
يقولون اختبار ام القرى كل الاسئلة ب التخصص مافي اسئلة عامة او ثقافية وطبعا اختياري
واسئلة الاعادة بكل الجامعات عموما تكون دايما في اساسيات التخصص يعني مو ف العميق
ماعدا جامعة الطائف وعن تجربة صدمتني صراحة متعمقين جدا ب التخصص 
فأنتي ذاكري الاساسيات لكل مادة درستيها بأيام الجامعة مزبوط والباقي اقرية بس
يسير لو جابوا ف الاساسيات "زي مايقولون اللي جربوا" تكونين عارفتها
واذا اتعمقوا شويتين ع الاقل تكونين قريتي المعلومات بتركيز وقد مرت عليكِ
والاسئلة اختياري اكيد حتفتكرين الجواب
عن نفسي انا حعمل كذا اثبت الاساسيات لكل مادة درستها ايام الجامعة
والباقي حأقراءة بتركيز
وبجد م اعرف متى الاختبار ! لكن اول شي حيعلنون اسماء اللي يدخلون الاختبار
بعدين يعلنون الموعد
وسمعت انهم يعلنون وقت الاختبار قبل الاختبار بيومين او ثلاثة يعني مرا مافي وقت
فأستعدوا من دحين
دعواتكم ..
وربي يوفقنا جميع 