اقتباس:
المشاركة الأصلية كتبت بواسطة خريج تقنية بريدة
شف اخوي لاتحسب ان الموضوع واسطه
الموضوع توفيق من ربي
انا قدمة عليهم وكنت خايف يكون التعيين بالاحساء وانا مابي الشرقيه او بالعربي مابي ابعد عن هلي كنت اتمنى يا الرياض يا القصيم
سبحان الله بتوفيق من ربي يوم قدمة وقالوا تعال جيتهم قالوا الي يبي الرياض برتبة عريف يطلع طلعت انا بدون تردد يوم طلعت قال لنا الظابط فيه رقم وكيل رقيب تخصص سواق تبيه قلت ايه وغير تخصصي الى سواق وكيل رقيب
وفيه ناس يقربون لي ماقدمو عليهم لا ملفات ولا انترنت
هم نفسهم الحرس دقو عليهم قالوا حنا ما قدمنا
قالوا حنا خذينا ارقام خريجي الكليات تبون وكيل رقيب بالاحساء تعالوا
وراحو وخلصوا اوراقهم باقي الكشف الطبي
انت شف وش وضعك مع ربك
صلاتك لاتخليه وصل مع جماعه صل الخمس كلهن
وهالك امك وابوك بر بهم
وباذن الله ربي يوفقك ويكون واسطتك ربي
|
_________________
أي والله انك صادق وكلامك صحيح يالغالي .. اهم شي تحسن عبادتك مع ربك وبإذن الله يجيك التوفيق من حيث لاتحتسب ..
عَنْ أَنَسِ بْنِ مَالِكٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "مَنْ كَانَتْ الْآخِرَةُ هَمَّهُ جَعَلَ اللَّهُ غِنَاهُ فِي قَلْبِهِ وَجَمَعَ لَهُ شَمْلَهُ وَأَتَتْهُ الدُّنْيَا وَهِيَ رَاغِمَةٌ وَمَنْ كَانَتْ الدُّنْيَا هَمَّهُ جَعَلَ اللَّهُ فَقْرَهُ بَيْنَ عَيْنَيْهِ وَفَرَّقَ عَلَيْهِ شَمْلَهُ وَلَمْ يَأْتِهِ مِنْ الدُّنْيَا إِلَّا مَا قُدِّرَ لَهُ".