السلام عليكم ورحمه الله وبركاته

انا من ضمن الناس اللي تواصلو معهم وطلبونا نعبي نموذج ترشيح للخدمه المدنية

لكن حبيت اوضح شي للاخوان اللي ما وصلهم شي ابدا

اول شي اللي ما ارسلو لهم اي شي خلاص الله يرزقهم بالوظيفة ويوفقهم يا رب لان خلاص انتهى كل شي لانهم اخذو من اللي نقاطهم عالية من الاختيار التحريري + المقابلة+ الخبرات = وجمعوهم واللي اعلى نقاط اخذوه


ثانيا للي طلبوهم كان العدد اربعه لكل وظيفة معلن عنها والارقام كان رقم لكل وظيفة

بتستغربون ليش سوت الجامعه كذا !!!

لجل يحطون لكل وظيفة ثلاثه احتياط وانا لما رحت وخلصت اوراقي وتعبت والاهل فرحو على بالهم اني انقبلت طلع رقمي الثالث بالاحتياط ممن كمل ورق الترشيح للخدمة المدنية وانصدمت وتحطمت وانا بكل مره اراجعهم اظرب مشوار الف كيلو

المهم اول مره تمر علي جامعه انانية بهالشكل!!!
لاني سبق وقدمت على اكثر من وظيفة
واللي قبلهم كانو ما يرفعون اوراقك للترشيح للخدمة المدنية الا وانت مقبول نهائي واذا رفضتك الخدمة المدنية ارسلو للجهة اللي تقدمت عليها استبدالك منالاحتياط اما تسوي كذا بالبشرية وتجيبهم وتجمعهم من اكثر من منطقة وبالاخير يطلعون احتياط ليش ؟؟


مالا اقول الا حسبي الله ونعمه الوكيل
لو كنت عاررف ماكان رحت لكن بعد خيبت الامل الله لا يوفق من حط هالنظام من منسوبي الجامعه

واللي ما طلعت اسمه اريح له عن البهدله اللي صارت
لان جالس في بيته ولا تعب وظرب مشوار على الفاضي

والموظفين مزاحمين العاطلين وايش هالقرار اللي مطبقينة المفروض فقط للعاطلين مو للموظفين والله مو حسد لكن لجل نحصل فرصه لان هو اخذ فرصته


المشكلة طالبين دبلوم وخبره سنتين للوظيفة اللي تقدمت عليها

وانا معاي دبلوم بنفس تخصص الوظيفة
+
وبكالوريوس بنفس تخصص الوظيفة ويعتبر تعليم زائد عليه نقاط
+
وخبره عشر سنوات
+
واربع شهادات تدريب معتمدة
+
وشهادة انجليزي
+
ونقاطي بالمقابله والتحريري عالية

وكل ذا اطلع انا احتياط ورقمي الثالث ... شكل الواسطه قوية
حشى اجل اللي قبلي شكلهم ماجستير وخبره 15 سنه لكن الله يوفقهم ويرزقنا يا رب