اقتباس:
المشاركة الأصلية كتبت بواسطة عذاب الجرح
[align=center]
السلام عليكم ورحمة الله وبركاته
ياشباب بكل اختصار امي بالاربعينات المشكلة انها دائماً مكتئبه وحزينه حاولت اسوي كل شيء
بس عشان اسعدها علماً انها ماهي مريضه وكل الفحوصات الحمدلله سليمة لكن طبيعة الحياة
وبحكم انها ماتطلع كثير ولا تقراء او تكتب عشان تسلي نفسها ودي تساعدوني
بالحلول وش اسوي لها شيء يفرحها وش الحل قلت لها تحفيظ قراءن تروح له قالت ياولدي
مقدر اخلي البيت فيه اطفال واب يحتاج الاهتمام
( انا ابي حلول وش اللي اقدر اسويه عشان اسعد امي وارسم لها حياة حلوه )
وشاكر لكم[/align] 
|
وعليكم السلام ورحمة الله وبركاته
اولا احب اثني عليك واحييك على احساسك بأغلى انسانه
على وجه اﻷرض (اﻷم)..
ثانياا ربما يكون احد اسباب اﻷكتئاب لدى الوالده بعدها عن الناس
يعني ماتروح ماتجي للجيران او القرايب ويمكن عيالها بعيدين عنها
يعني يمكن مشاغل الحياة تلهيكم عنها الأم بهذي المرحله من العمر محتاجه
من يهتم بها ويسولف معها ويكلفها يعني يطلب منها تنجز له شيء يشعرها بأهميتها
وانها تقدر تنجز وتعطي..للأسف في هذا الوقت لهتنا التقنيه الحديثه عن احب الناس لنا
صرنا نجلس معهم بالجسد فقط ..
استاذي ليه ماتبدأ مع والدتك بدرس خفيف كل يوم ومع اللي يفهم من اخوانك لانك قلت فيه اطفال
وتعطيهم ورد من القران وتردده معهم بالإضافه لشرح مبسط لشيء من رياض الصالحين صدقني بتحس
الوالده بالسعاده ومو شرط كل يوم اجعل الدروس مرتين بالأسبوع وكثر من تشجيعها والثناء عليهاااا..
.
اسأل الله أن يحفظ امهاتنا ويكفيهن شر اﻷمراض النفسية والروحية والعضوية.