السلام عليكم ورحمة الله وبركاته
أنا قابلوني الموجز قبل العيد بيوم وبعدها تقريبا بشهر وصلتني مكالمة من ممثل بنك التسليف من قسم التدريب
وقال لي عندك مقابلة وبعد ماوصلت للإدارة قابلت 6 أشخاص عندهم مقابلة أيضا لكن بغير تخصصي وقابلت موظف من البنك وجلسنا ندردش معه وقال لنا كلام غريب. يقول أنتم من المرشحين الأفضل اللي عديتوا المقابلة الأولى بتميز وجايبينكم عينة لمقياس مدى جودة الموجز!! وبعدها جلس يقول إنكم بتتوظفون و و . بعدها قابلت 6أشخاص في اللجنة وأسئلة بصراحة دسمه أنا لسا خريج جديد وهم يحاولون يضغطون علي بالتخصص لكن الأسئلة والمحادثة بالإنجلش الحمدلله Basic لكن يبدو إن الوضع مو زي اللي توقعناه من ناحية التوظيف. بعدها قابلت الدكتور الحنيشل والرجال شكله متفاهم لكن اللجنة أشوف إنها ماتبي توظف الا واحد يصير متشبع بالخبرة في نفس التخصص. أنا الحين لي تقريبا فوق الشهر أنتظر ولا جديد عطالة مع العلم أني خريج بكالوريوس من أمريكا تخصص هندسي ووظيفتي على الدرجة 44.
حاولت إني أتواصل معهم لكن الوضع مريب من ناحية التوظيف أذكر فيه واحد من الشباب اللي قابلتهم معه خبره 9 سنوات بعد الماجستير وعقدوه بالأسئلة لدرجة إنه طلع ناشف ريقة وقالوا له في المقابلة أنت ماتعرف شي!!

أنا خايف إن الوضع يكون أصلا تمويه ولا فيه وظائف أو تكون بالواسطة
لأن اللي مثل وضعي ووضع البعض منكم ماذا يفعل!
مالنا إلا نرجي هالكريم إنه يرزقنا بالوظائف اللي تسد حاجاتنا

دمتم بود