المشاركة الأصلية كتبت بواسطة حُلُمي التدريس

أما تتزوج لتتباهى هذي جديدة عليّ والله مدري من مخالطين يامعشر العزابية المتشائمين

ترا ما كل مايقال يُصدق وأغلبية المتزوجين والمتزوجات بعد مايذكرون للناس إلا السيء من حياتهم

ويعظمووونه والزين مخلينه بينهم وبين أنفسهم على أساس الحفاظ على أسرار الحياة الزوجية !!

وإلا لو صادقين محد مجبور يكمل مع أحد بس مالقوا حاجة وزود بربرة خلصت السواليف ولقوا هالحريمه

يسبون فيها ليل نهار الله يجازينا الجنة يارب وإذا بنات هالجيل موب عاجبينكم ترا نفس الفكرة عندهم عنكم

فررق بين رجال هالجيل ورجال زمان أنا تذكرت قصة سمعتها يقول لك فيه عروس ماتعرف تطبخ إلا ماشاء الله

المهم الزوج الحمش أو اللي مايرضى بزوجة ماتطبخ ويبي زوجته مثل أمه طبخ ونفخ وترتيب ومع هذا اهتمام زايد

بالنفس مثل اللي يشوفه بالتلفزيون المهم وداها لأهلها وقال علموها الطبخ والسنع أبيها حرمة وتعرف لعلوم الحريم الصح وماراح أجي

آخذها إلا وهي تعرف لكل شيء<<مسوي أنا

الرجل الذي ماينقدر عليه >>المهم أبوها قال خير إن شاء الله وقعدت البنت شهر عند أهلها بعدها اتصل أبوها فالرجال وقال أبشرك

البنت صارت سنعة وطبخها من أحسن مايكون وتعال المغرب عندنا تقهوى وتذوق الذبيحة من يديها المهم جاء الزوج المصون

ناافش ريشه كالديك ودخل وسلم شوي إلا طلعه أبوها للحوش ولا فيه ذيك الغنيمة وش احليلها قال يلاا إذبحها واسلخها عشان

تطبخها لك بنتي وهنا بلللم الرجال قال والله ياعم ماأعرف رد عليه الأبو رح لأبوك يعلمك شغل المرجله وتعال بنتي ماتروح معك

وأنت ماتعرف تذبح <<الأب يبي حبة رأس على موقفه صراحة رد كرامة بنته بطريقة مؤدبة وحلوة وبس

المشكلة عند الغالبية العظمى من الشعب الكريم فاهم الحياة الزوجية غللط ولايقتدي بالرسول عليه الصلاة والسلام وماخذ فكرة

أن الزوجين عبارة عن سيد وجارية وفيه البعض لما يدخل هالحياة كأنه في معركة من يفرض رأيه على الثاني !!

الحياة الزوجية أبببسط وأسهل من هالشيء بكثييير اختصرها لنا رب العالمين في قوله ((مودة ورحمة )).