انا بقول لك رائي بكل صراحه ..

انا اشوف التدريس افضل لك .. ليش ؟ لانك انت راعي سفريات وراعي السفريات يحتاج لاجازات عشان يقدر يروح ويجي .. صح ولا لا خلينا نحسبها .. معاك اجازه كل سنه لاتقل عن 3 شهور واجازة الحج 10 ايام واجازة بين الترمين 10 ايام واجازة الربيع 10 ايام .. غير كذا دوامك مريح .. كيف مريح يعني ممكن مايجي اساعه 10 الصباح الا وانت في البيت وهذا ع قولتهم على اقل تقدير 3 ايام في الاسبوع
ليه ؟ لان المواد العلميه اعتقد قدمو وقتها مثل الرياضيات والانجليزي والكيمياء . تصير الحصص مبكره يعني بدري ممكن حصه اولى وثانيه وثالثه ورابعه بالكثير .

الراتب 8000 . وانت راعي سفريات تراها حلوه تصريف الفلوس هذا يرجع لك انت بنفسك اذا انت ع قولتهم تحب تشوف دنيا وتسافر اوروبا وكذا 8000 تكفيك بشرط انك تعرف كيف تصرف ريالك .. رحله شخص واحد الى سويسرا لمدة 15 يوم تكلف حول 15 الف ريال .. يعني حق راتبين تجيب راس سويسرا وش تبي اكثر من كذا

طبعا ماراح تسكن في فنادق 5 نجوم راح تاخذ فنادق 3 نجوم وامور الحجز والمواصالات وغيره تضبطها من المكتب من السعوديه من عندك من هنا . وغيرها كثير من الدول انا اعطيتك مثال كا اغلا دوله والكل يتمنى يروحها سويسرا النمسا وهذي الديار اما اذا بتروح ماليزيا اندونيسيا راح تكون التكلفه اقل بكثير . ..

واما على السياره اذا بتسوي جمعيه لنفسك وتفك نفسك من الاقساط وتاخذ سياره كاش تمام .. عندك الكامري سوناتا سيارات حلوه وعمليه وتخدمك وسعرها تمام مقارنه مع راتبك ووضعك وغيرها سيارات عاد انت وذوقك ...

اللحين انت رحت شفت دنيا وتمشيت ولفيت العالم .. يابو الشباب ومعاك موتر جديد .. وجالس بالشقه لحالك وطفشان والجو برد وتبي تتزوج هههههههههههه

وش تسوي .. طبعا هالكلام ماراح يصير الا بعد فتره من وضيفتك يعني اقل تقدير سنتين .. سنة الحياه كذا محد يتوظف على طول يتجوز الا اذا الله فااااتح عليه مره وعلى اهله .. يتجوز على طول ..

طبعا في السنتين هذي . خلينا نقول متوظف ورحت وجيت وصرفت فلوس كثير على سفرياتك وسياره وكذا وجمعت مبلغ بسيط . يعني خلينا نقول حول 40 الى 50 الف واذا سياراتك اقساط خلينا نقول كمان انك انتهيت من الاقساط .. وراتبك ارتفع وصار وضعك احسن

عاد اللحين في الزواج انت وطريقتك .. في صرفية الزواج والتكاليف وغيرها ..

هذا اقتراحي لك كامدرس يا استاذ هاي واي