السلام عليكم اتمنى تردون علي ضروري بخصوص استفساراتي لاهنتم جميع

طبعا اخوي ارسلو له يوم الاثنين . قالو له تحضر في مكتب التجنيد بالحرس الوطني بخريص بالرياض .. وحنا من جده

التحضير قالوله يوم الثلاثاء الصباح اساعه 7 .. طبعا مافيه وقت نروح وكذا .. كلمنا واحد من عندنا في جده قال خلاص تعالو .. عندي في مركز الحرس الوطني بالغربيه الي بجدة في منطقة بحره قلنا له تم وراح اخوي عندهم اخوي معاه دبلوم فندقه وسياحه . ومعدله 2.5 .. اثنين ونصف المهم دخل عند اللجنه . قابل العميد . قاس وزنه والطول قال كل شي تمام . لما شاف الشهايد الي معاه قال حرام تجي عندنا هنا على رتبة جندي وانت معاك دبلوم ومعدل ماهو شين يعني جيد وطولك وزنك تمام .. قاله اخوي وش نسوي . ماحصلنا شي

قال له العميد روح الرياض . على اقرب طياره . في خريص يعطونك رتبة عريف . وانا بكلم لك اللجنه والعميد اعطى اخوي رقمه قله اذا وصلت عند اللجنه هناك قلهم انا جايكم من طرف العميد الفلان الفلاني . وقبل ماتوصل عندهم دق علي عشان اكلمهم .

طبعا في جده القطاع الغربي . مقدمين على جندي مشاه ك 13 ..

هل التقديم في الرياض نفس الطريقه جندي مشاه ولا تخصص ثاني ووش افضل تخصص ووش رايكم في جندي المشاه

وكم راتب الجندي والعريف في المشاه . تكفون الفزعه .. اخوي في حيره