اقتباس:
المشاركة الأصلية كتبت بواسطة الإدارية نوري
كلام اريج كلو كلام فاضي
مافي مفاضلة ولا شي
راح يختاروا بناءا على الاولولية في يوم المقابلة
مثلا لو يبغون 3 من 50 راح ياخدوا اول 3 عملوا لهم المقابلة اجتازوا المقابلة
حتى لو في بعدهم بنات معدالتهم اعلى منهم و او عندهم خبرة
و اذا كانوا مستعجلين راح يردون عليكي خلال شهر
اما بالنسبة للاجراءت
راح يرسلون العرض الوظيفي موضح معاه الراتب و البدلات
و اوراق الكفالة و الفحص الطبي و بعد ماتخلصي منهم راح يرسلوا موعد الدورة غالبا راح تكون في جدة بحكم انك من مكة
و مدة الدورة 3 اشهر اول شيء راح تكون اسبوعين او 3 اسابيع في جدة و بعدين تتدربي في الفرع اللى راح تتعيني فيه لمدة اسبوعين و بعدين راح ترجعي جدة و تكملي باقي المدة هناك
و بعدها تباشري في الفرع اللى تعينتي فيه
|
[align=center]
الله يعطيكي العافيه ماقصرتي ومن ناحيه اريج والله من دخلت ونادت اسمي وانا اقول الله يستر 
بالذات وهي تشخمط على الورقه لما كنت اجاوب 
وبصراحه المقابله كانت معاها سريع سريع وكانها تبى تخلص من دوام اليوم 
يعني مافي دقه اطلاقا في المقابله لاكن ايش نسوي مالنا الا الاستسلام للامر الواقع خصوصا انو احنا مشوار من مكه لجده يعني الواحد بيمشي اشياء كثير تحصلو وغير وغير
وبالنسبه للمعدل الحمدلله المعدل مرتفع والتخصص جدا مرغوب اسئل الله انها تكون لي ولكم 
[/align]