سبحان الله الحين صارت واسطه من قالكم ..
يابنات كونوا واقعيين الحين لو فيه خمس ارقام وقالوا بس بنعطيها للبنات اللي بالتجمع هذا وطلبوا من كل وحده اذا ماتبغى تتنازل بالوظيفه لخويتها حرام بالله ماتقبل ومارح تقبل لانها تبيها لنفسها ..
يابنات مكافحة المخدرات قوتها فوق ثمانيه الاف عسكري من ضباط وشخصيات كبيره .. ليش مافيه احد منهم توسط للاخت خلود اللي ربي وفقها وطلع اسمها والله من رسالتها خاص حلفت انها ماتعرف احد ولا احد توسط لها ..
البنات اللي قبلوهم بتبوك وجده وبقيه المدن اسئلوهم من توسط لهم ..
ادارة الرياض كانت طالبه ٣٠٠ وبالاخير وزارة الداخليه قالت لا ال٣٠٠ بس لجميع مناطق المملكه ورجعت اداره الرياض وطلبت ١٥٠
ورفضت الوزاره وعمدتها ب ٥٠ رقم ..
والله والله من زملانا كثير ماقدروا يدخلوا خواتهم او زوجاتهم واقسم بالله واحد وصل لاحمد سعدي عشان زوجته عمرها ٢٤ لكن مالقى حل التعميم من الداخليه حدد من ٢٥ الى ٣٠ ..
ارحموا عقولكم .. كل وحده زعلانه ومن حقها
باذكركم ليش ماحد زعل على وزارة التعليم وهي ملعمه البنت اربع سنوات واكثرهم متغربين عن اهاليهم بالجامعه وكارفين كل هالسنين وبعدين لما يتخرجوا مو قادره تعينهم على وزارتها .. هذا الظلم بعينه ..
البنت لو تبغى عسكريه مادرست والا وش فايدة شهادتها الجامعيه وزميلتها تتعيين معها بالثانوي ..
ةالوحدة لازم تقبل برزقها ونصيبها .. ومامن دابة بالارض الا على رزقها ..
الاحباط ماينفع ..
يمكن الله يرزقكم بارقام رتب يعني بدل ماتتعيني جندي احتمال تتعيني عريف او وكيل رقيب او حتى رقيب فخلوها لمقسم الارزاق رب العباد