مساء الخير
راح احكي لك كيف كان مبدأي بالاختيار وترتيب الرغبات
انا اولا من جده وكان ترتيب رغباتي كالآتي:
جده---جيزان---صبيا---نجران
اكيد بتقولي بعيييييده بس اخترتها حسب الاحتياج لنقاطي وحسب صغر المنطقه التعليميه وحسب الجو
بيني وبينك ندمت انه اخترت نجران لكن الحمدلله
جاء تعييني بجيزان
شوفي قطاع جده ومكه والمدينه وينبع واغلب المناطق القريبه من جده كانت نقاطي بعييده عنها و مستحيل اتعين فيها حسب النقاط
كان فيه احتياج لتخصصي ونقاطي ف بيشه, القنفذه هي طبعا اقرب لجده من جيزان بس يبغالها خطط مافيها مطار وانا ضد السيارات والخطوط وعاد خط الساحل معروف الله يكفينا شره
والان اتنقل من جده لجيزان بالطياره الحمدلله
راح احكي لك عن جيزان
جيزان منطقه تعليميه صغيره بالنسبه لباقي مناطق المملكه وابعد قريه تكون ساعه وشوي ماعدا الجبال وانا اتعينت بالجبل صح مشوار بس الحمدلله بساااطه وسهاله المدرسه المديره المعلمات عسل بمعنى الكلمه ومراعين ظروفي لاني مغتربه وواقفين معاي كثير و اهم شي الراحه النفسيه
وكل البنات اللي تعينوا معاي هالسنه اتعينوا بنفس المدن او بالقرى حولها
والسكن الحمدلله سكنت بشقه مفروشه مع بنات اخلااااق ماشاءالله عليهم والحمدلله دائما وابدا
هذا بالمختصر المفييييد ي قلبي اهم شي تراعي الاختيار بالمنطقه اختاري بعيد بطياره ولا تختاري منطقه 4 ساعات او 5 ساعات خط ومافيها مطار والطيران أأمن من السيارات
واي استفسار انا حاضره من عيوني