انت ذكرتني في نفسي تحاول وتحاول وتفحط وبلاخير يا تنصدم بلنتيجه والظروف معاكسه والف مية مكان وﻻ تلقى الا العقبات وتحس بقراده وتطرق كل باب وكلك ثقه بأن مجهودك اللي تقدمه بكل ذمه وضمير وعلى أحسن صوره ماراح يضيع واثق بأنه بيثمر وتدعي دايم وتتفائل وانشالله بتزين و الحظ يبتسم لكن تنصدم بقوه بعد استنزاف كل ذره من طاقتك وتلقى تحطيم فتحطيم وبعدهاا تدخل ف مرحلة اتركوني لحالي اناخﻻاص تعبت إنعزال وتقفل بوجهك الدنيا وتكتئب فتره وتوقف الدنيا shut down ..
وكل سنه نقول يمكن تتعدل و تكون احسن من اللي قبلها لكن تلقاها العن من اللي قبلها دمار فدمار
أنا كنت دائما اندب حظي واقول ليه ياربي؟؟
((ما استشعرت فوقتها ان كلامي هذا اعتراض على القضاء والقدر))
كنت من شدة يأسي ادعي الليل والنهار ياخذ عمري وافتك (( ماكنت اعرف وقتها ان هذا ضعف ايمان وعدم ثقه بلله ))
وكنت دائما ادعي دعاء الهم والحزن:

((اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي))
واقول ليه ماربي يستجيب ويشيل همي؟

مازال همي اﻻ بعد ما طحت فمصيبه ماتركت فيني صحه وﻻحيل ساعتها رفعت يديني للسما فلحظه قناعه قلت ربي سامحني كان المفروض الجأ لك من البدايه قبل أي مخلوق أنت المدبر أناما أحسن التدبير توكلت عليك وفوضت أمري اليك وجهني وارزقني صبر اﻻنبياء واجعلني ممن ﻻخوف عليهم وﻻ هم يحزنون انت حسبي ونعم الوكيل ﻻ تكلني الى نفسي طرفة عين.
سلمت كل أمري كله كل شي لله ولقيت نفسي افتح القرآن وأقرأ البقره كنت متعوده اسمعها كثير بس ماكنت أقراها اقراها بصوت مسموع اترك كل شي بلدنيا إقفل على نفسك شيل كل شي من مخك وقفل جوالك وعط نفسك بس ساعتين استحضر قلبك واقراها وشوف!!
صحيح اموري ما جاها ذاك التغيير للي ابيه لكن ربي دلني على طريقه شالت عني ثقل هم كنت ماقدر اتحمله وصرت فعلا صابره ورضيت بقضاءه وبعد ما فتحت القرأن عرفت لحظتها ليه ربي ماشال عني همي على كثر ماكنت ادعيه
(دعاء الهم والحزن) !!
كيف ادعي ينجلي همي بلقرآن ونا ما أقراه؟!

بس ثق وآمن بلله ماراح تضيع .
الله يدفع عنك وعني البلا ياخوي ويعوضك فبنتك ويفتحها علينا وعلى جميع المسلمين آمين.