اقتباس:
المشاركة الأصلية كتبت بواسطة سجين المعاناة
ممكن سؤال استاذ؟؟ مافي وظايف غير - مقدم طعام- مساعد طاهي- طاهي- محضر سلطات- مضيف، والله الواحد يستحي !!
مافي اي وظيفة ثانيه ؟
|
بجاوبك علً شي وبدون مثاليات تمام
انا تخرجت من كلية الحقوق تعرف وش يعني كلية الحقوق يعني قااانون اي شركه واي مكتب بالعالم وده يستقبلني ماعدا هناااا لانهم مايبون حريم ولايعترفون بهالقسم اساسا
عموما هذا مو موضوعنا
انا قبل فتره بسيطه قلت ماراح اجلس بدور وبودر على وظايف بالمدارس طبعا ماحصلت الا وظيفة
(((بائعة مقصف))) والراتب الف ريال بدون تامينات
قريت عن هالوظيفه كلمت اهلي امي قالت بكيفك طبعا الناس ماخبرتهم ولي اسبابي الخاصه
المهم داومت وترى اداوم على بالك ادوام وانا مبهذله لالا ادوام وانا متكشخه كاني بدوام عادي
لما اسولف مع وحده بنفس المدرسه وتجي تتشكالي انه تخصصها تربيه خاصه وانها تبي العمل الحكومي قلت كلنا نبي العمل الحكومي قالت وش معك انتي ثانويه بس انا كليه تربويه!
قلت مين قالك معي ثانويه انا معي جامعه ومن اهم جامعه بالسعوديه وتخصصي اهم من هالتربوي اللي درستيه قالت نعم انتي جامعيه وش الله حادك تشتغلين بائعه !قلت لها ليه لو قعدت بالبيت بيجيني راتب بتجيني هالالف قالت لا قلت خلاص مافهيا شي وانا كنت حاطه ببالي الراتب وبس
ومرت على اشكال وانواع ومنها يسالوني وش الظروف اللي تحد جامعيه تشتغل بائعه ومو اي تخصص عادي!قلت طيب انا وش فيها !
ملخص لكلامي:
الناس تحسب عندي شي قووي خلاني اشتغل بائعه طيب بتعطوني راتب ياجماعة الخير وش عليكم من الناس!!
الناس لما تشوفك كاشخ تجي بكل عين قويه تسالك التكشخ كل يوم ليه ترى بائعة مقصف!!
طبعا فيه اجنبيات بنفس المدرسه يساولني غريبه سعوديه تبيع !!
فيه ناس بتمر عليك لكن للاسف اللسعوديين(كموظفات والبعض منهم) موالاجانب وشفتها بنفسي بالمدرسه تجي وتطلب منك بطريقه كانك تشتغل ببيت ابوها لكن هالنوعيه اذا اول مره كنت ذوق معهم المره الثانيه عطه طلبه وروح ولاتتبسم ولاتخدمه زين كنك اهبل سووها والله يموت قهر ويحترم نفسه .>>لماتدري انك جامعي لكن قبل كانوا محترمين حسسد مايحتاج اعلمك عنه
فيه ناس بتجيك تنافخ عليك كنك تشتغل عند ابوهم هذولي وقف الشغل والعني خيرهم وخير اهلهم وهذا اللي انا سويته .طبعا بيمر عليك انواع ناس موتربيه وقليلة ادب وبتمرعليك ناس ذوق وهذولي قللليل قلييل قليلل .لكن انا ماترك احد يغلط علي لو علي فصلي لو اكتب اسم المدرسه بيعرفوني زين ماطلعت الا ماخليت وحده تسوي نفسها بنت اميريواء اجنبيه او سعوديه الا وريتها العين الحمراء سواء طالبه او موظفه لدرجة فكروا معنى تخصصي اني من الامن هههههههههههههههه >>جهل الله وكيلك
طبعا اي شي يصير للزبون من سوء معامله حتى لو هو الغلطان الاداره ماهمها كرامتك يهمها الزبون .
الوظيفه هذي لازم تكون حاط ببالك انا مايهمني الا مستقبلي وماتهمني نظرات الناس وقكر بالراتب .
اخيرا تركت العمل لانهم يبون يستفيدون من اسمي كسعوده في التامينات وصار اجباري وانا بائعة مقصف براتب لايذكر وطبعا التامينات اظن مايرفعون من راتبي لاني مومن الفئات اللي يدعمونها كالمعلمه مثلا
هذي مخلص تجربتي في البيع كسعوديه اتمنى الجميع يستفيد منها
_______
لا اله الا الله محمد رسول الله