يا حروف الشعر خطي لي رسالة
واكتبي بمضمونهـا عـذرٍ شديـد
من جزيل الشعر وأصحاب الجزالة
بعتذر للي تمـادى فـي القصيـد
هو غلطنـا كيـف فكينـا عقالـه
نتركه يكتـب وينشـر مـا يريـد
فاسدة تنسيـك دينـك والأصالـة
وتشرك من أجل الدنـاءة يالبليـد
حشمة المومن تبيَّـن فـي مقالـه
والمروءة كيف بس عنهـا تحيـد
هنت بيـت الله وقرنتـه بالحثالـة
ياغرير اقرا كلامـك مـن جديـد
مد لك شيطانـك المـارد حبالـه
وقام يومي بك على ما هو يريـد
تصرف عبادتك لاصحاب الضلالة
يا غرير أسلم لربـك مـن جديـد
واعتنق دينه وخل وقـت الجهالـة
قبل يـوم فيـه محـزون وسعيـد
والمشايخ تاج ما نرضـى بدالـه
ومن يصلهم يبشر بسجـنٍ وقيـد
وشيخنا الفوزان رجـال الشكالـة
شيخنا اللي شام عن قـول البليـد
ما يضرك ياالجبل سفـح ومثالـه
دام مصحفك بيمينـك مـا يحيـد
والغرير ان مااعتـذر لازم ينالـه
من حكومتنا العقـاب اللـي يفيـد
ويا جزيل الشعر واصحاب الجزالة
اقبلـوا تكفـون هالعـذر الشديـد
للشاعر / أحمد سالم الشاماني