اقتباس:
المشاركة الأصلية كتبت بواسطة فلها وربك يحلهها
السلام عليكم.. ياجماعة الخير الواحد يتفائل ماقلنا شي.. بس بالمنطق.. وظايف لو كانت قليله
لو ننظر للمقبولين عدد كبير.. كان المفروض الاختبار لايقل عن 30 سؤال.. اول مره اشوف
اختبار على وظيفة 10 اسئله ومن الخدمه المدنيه ؟!
ثانيا المقابلة الشخصيه فرق بين اداره وادارة.. ادارات ما سألت وكانت تطابق اوراق فقط.. وادارات
سألت وجادلت المقابلين.. هنا الفرق.. ومع ان الموضوع موضح بالموقع ان فيه مقابله..
كان يجب ان تكون الاسئلة للكل وليس ناس وناس ؟! انا مقابل اكثر من شخص يقول
طابقوا فقط بدون اي اسئله.. وبعض الاشخاص خرجوا متعجبين من نوعية الاسئلة في
المقابلة..والمفروض يكون الموضوع اكثر ترتيب.. الاختبار ما اخذ نصف ساعه.. يعني ع 8:30
خالصين والمقابلة خلصنا الساعه 2:40 حرام جايين من سفر وتعبانين ولا افطرنا وبالاخير نقعد
كل هالوقت.. والمفروض المقابلة تتمحور حول الوظيفة ومهامها واسئلة تتعلق بالشخص ويكون
من ناس يمتلكون خبره للحكم والتمييز بين الاشخاص وتقييمهم بصورة واضحة...
اخيرا حسبي الله ونعم الوكيل |
الله يرحم والديكـ هذا التفكير المنطقي البعيد من الروح الايجابية على قولة اخونا الي فوق ..
كلامك منطقي وعملي ,, هذا مافتقده المتقدم في هذه المنشأه والمصيبه انها منشأه حكومية
وفي الاخير المقابله تكون من اناس لايفقهون في نماذج المقابلات الوظيفية مثقال ذرهـ !!!!!
عجباً لحال هؤلاء ..
الله يرزقكمـ والله ان قلبي يتفطر من هالنوعيات من الوظايف لانها قهر .. لكن نصيحة ياشباب
من معه الثانوي يكمل دراسته لو بشق الانفس انتساب انتظام المهم يجيب جامعه وتكون معاهـ
دورات ومتهيأ لكوارث الوظايف المستقبليه
شهادة جامعية - دورات مطلوبة - انقليزي - تخصص مطلوب = وظيفة بالمرتبة الخامسه ؟
بالله هذا منطق ياشباب بأي لغه يتكلمون الله يهداهم ويفكنا من شرهم كانهم ذبحوا المسلمين ..
بجهلهم وغبائهم المستفحل والواسطات المتكرره ..
للمعلومية الي حاضر اختبار يوم الاحد لمساعد اداري المرتبة الخامسه الساعه 9.10ص جاء
واحد لابس غتره وكلم مدير اللجنة الشايب ابوعبدالعزيز ومشى وكان معاه واحد ثاني معه اوراقه
هذا اخوه وهذا الموظف في الدور الثاني في قسم شؤون الموظفين وهذه واسطه قدامنا ومقعد طار
والي متابع ايضا ان هذا الموظف يحفر من اول ماخلصنا اختبار لحد مامشى من المصلحة ..
يعني واسطه عيني عينكـ .. كلامي مهوبـ تشاؤم لكن قهر من الواقع الي نعيشه بسبب الواسطه