صباح/ مساء الخير كلن ع حسب وضعه طبعا

اسأل الله يتقبل منا الصيام وصالح الأعمال وان لايجعلنا مع الخاسرين ،، أللهم أمين

وكل عام وانتم بخير 00

هذي قصيده اتمنى ان تحوز على رضاكم واستحسانكم ،،،، :ـ

بعنوان

// عيون المها //

صدت مثل من صد عن واحد جاه
يبي منه شي وهو مامعه شيّ

الجرح في جال الحشا ما أكبر خطاه
ما يرتكي له لاسطا والتهب حيّ

آهين في صدري وراها مية آه
ما عاد يطفي نارها اللاظي المّي

واليوم يا عيون المها صاحبك تاهـ
من يوم غبتي غاب عن عينه الضيّ

بالله شوفي صاحبك جاه ماجاه
شاريك يا قبلة هل الدار والحيّ

الموق شاب وجف بي يا غلا ماه
وقلبك كساه الطهر ما يسكنه غيّ

تكفين أنا بسألك يا بنت بالله
راح اللي راح ولا يجي بخاطرك شيّ

وإن كان قلبي منك ما حصَل مناه
بطوي شراعي وآخر علاجي الكيّ