المشاركة الأصلية كتبت بواسطة فراشه ملونه

اخواتي المعهد البريطاني بيفتح مثل ماقلت لكم بعد فتره لانهم كل شوي يفتحون تسجيل جديد
المهم بنبهكم لكم شغله تقهر وابيكم ماتغلطون غلطتي
اولا المعهد صارم جدا في الدخول والخروج واللي تتغيب او تسأذن 6 ساعات تفصل فصل نهائي حتى لو بعذر
المعهد جدا صارم والدخول والخروج بتفتيش الشنطه ونعدي من جهاز يشبه اجهزة المطارات
فيه نظام ودقه وكل شي يعني مو لعب او تمضية وقت
الشي الثاني اختارو الفتره المناسبه بتمعن وتفكير لان مافي تغيير ابدا
هذي حاجات لازم انبهكم عليها لاني تورط غبت ساعتين يعني درس واحد وساعه استأذان
باقيلي 3 ساعات لو غبتها فصل
مايقبلو اي عذر مهما كان تخيلو الاستأذان كان اخر 20 دقيقه رحت اطلع بنتي من المدرسه وحسبوه ساعه والغياب بسبب الباص تأخر علينا واللي تدخل بعد الوقت ب5 دقايق تعتبر غياب علما اني حضرت بس مانحسبلي وخلوني غياب
شفتو كيف
ابيكم تنبهون لساعاتكم وللوقت بحيث تدخلون قبل الوقت والفتره المناسبه لكم
وبالمقابل المعهد جدا رائع تدريس من قلب وطرق مبتكره مافي تلقين وروتين
كل يوم طريقه جديده للشرح والمكان جميل ومنظم ويفتح النفس