السلام عليكم ورحمة الله وبركاتة

صبحكم الله بالخير اول شي الف مبروك للي اجتازو الاختبار

وثاني شي حظ اوفر للي مانجح واسئل الله العلي العظيم ان ييسر امورهم ويكتب لهم وظائف عاجلآ غير اجل بس نصيحتي لهم يشتغلون شوي على انفسهم لا تسمعون كلام الي يقول واسطات وخرابيط يبرر فيها عن ان فيه اشياء تصير بتدخل هذا مو عذر ولا مبرر ولا مبداء سليم نسلم عقولنا له

انا عن نفسي احمد الله عديت الاختبار وناجح وسبق لي ان توظفت بمرتبة سادسه العام وقدمت استقاله برغبتي والحين مرشح لتوظيف نهائي لوظيفه بوزارة ثانية وعندي كذا عرض بالتعليم العام رشحوني ورفضت بسبب مكان التعيين

فماهو عذر اتمنى من كل شخص يطور نفسه ويشتغل على نفسه انت بنفسك توظف نفسك غصب عن خشوم الريجيل وانت بنفسك تخلي نفسك شخص عادي بنظرهم لانهم ينظرون لكل شي بالتوظيف

ثقافتك شهاداتك قدراتك مواهبك حتى مظهرك ولباقتك لها دور

الحمد لله يمكن انا ربي موفقني بس بعد واجب اقولكم ان كل شخص يشتغل على نفسه ومو نهاية الدنيا

بالاخير اتمنى من الزملاء الي بيدخلون اليوم المقابلات الشخصية يعطونا نبذه

والله يوفقنا ويوفقكم

تحياتي للكل فمـآن الكريم