اعتقد بالنسبة للمرتبه من الثالثة للخامسة مع بدل الامن 15 % واللي حاب يشوف كم الاساسي لكل مرتبه يدخل قوقل ويكتب سلم رواتب الهيئة الملكية ( الرواتب تقريبا افضل من سلم رواتب الخدمه المدنية وافضل منها في العلاوه السنويه ) وبالنسبة للعلاوة السنوية فبالتقييم وليست ثابته يعني تقييمك ممتاز تاخذها 100 % تقيمك جيد جدا تاخذها 75 % تقييمك جيد تاخذها 50% تقييمك غير مرضي ( الحس اباطك )
المميزات :
1- تدخل بالسرا في احقية تملك فيلا وزمن استلامها من 5سنوات للـ 10 سنوات حسب المقاول مايخلصها ولا يوجد بها اي واسطة يعني بتاريخ تعيينك سواءا انت مدير عام والا موظف عادي

2- تتعالج انت وزوجتك وعيالك والاب والام من كلا الطرفين في مستشفى الهيئة مجانا ( لايوجد تامين طبي!! )

3 - تسلم بيت اجار بسعر رمزي جدا حول 120 الى 300 ريال شهريا فقط لحين تسليم الفله


الزبده : اللي عنده بيت ملك ومرتاح بوظيفته وراتبه لايقل عن 7000 الاف ريال الافضل انه يستمر بعمله السابق بين اهله وحبايبه اما اللي ماعنده بيت ملك وراتبه قليل واحواله شينه فانا انصحه انه يروح يختبر لانها كمستقبل يعتبر ممتاز
وبالنسبة للشباب اللي مبتدئ بحياته فانصحه يقدم والله يوفقه ويوفق الجميع

وشكرا