وعليكم السلام ورحمة الله وبركاتة


شباب نصيحة لواحد مجرب ومنكم وفيكم تقني

روحو الحرس الوطني حتى لو اعماركم كبيرة


والله العظيم وأقسم بالله ان في واحد عمره 30 سنة وداخل في الشهور الجاية على عمر 31 سنة

انه راح تسجيل الحرس الوطني الى بالرياض موقعه بالضبط وزارة الحرس الوطني مبنى 21 للتسجيل

راح على الله بدون واسطة ولا هم يحزنون وسجل وقبلوه وسلم اوراقة اسبوع الى فأت ودورته ان شاء الله قريب


وهو بلغني وانا رحت بنفسي وسجلت وعطيتهم اوراقي ولا احد كلمني على العمر وانا خريج كلية تقنية محاسبة

وانتظرهم يتصلون على ان شاء الله ويبشروني بالقبول المبدئى ان شاء الله


انتو روحو صدقوني الكلية التقنية صعبة صعبة صعبة خاصة تخصص محاسبة

لحد يجي يقول والله مالي في العسكرية ومابيها وما احبها خلاص العمر يمضي


الى عنده تكسر في الدم او امراض اخرى الله يعينه ويرزقة من واسع رزقه ان شاء الله

اما الى يشوف اموره تمام لايعقدها ويجلس ينتظر بهالشهادة يروح التقديم بملفات ويبون التقنية وراح يوظفونكم على رقيب و وكيل رقيب وعريف على حسب الارقام الى موجوده


التقديم الى في الرياض بداء في شهر 2 الى فأت وحتى الان مفتوح التسجيل

والى مو مصدق ان التسجيل مفتوح حتى الان يدخل على الموقع وراح يشوف انهم فاتحين التسجيل


وهذا رابط التسجيل

http://job.sang.gov.sa/esang/


والتسجيل بملفات ولا فيه تعقيد وانا رحت بنفسي وسجلت وتأكدت من هالشي

والله ماخذت 5 دقايق الا خذو اوراقي وقالو نتصل عليك وان شاء الله خير


هذي نصيحتي لكم وكل واحد براحته