المشاركة الأصلية كتبت بواسطة سلطان الزلفي

حبيت اعرض لكم تجربتي يمكن تستفيدون منها وبنفس الوقت استفيد من ردودكم

انا شريت طابعة ريكو 3110 الصراحه الطابعه ممتازه ولها عندي تقريبا 4 شهور لا اعطال ولا مشاكل الحمد لله
سعرها طبعا 1900 اذا بتاخذون حبر صيني
و2600 اذا حبر امريكي

المكبس اخذته بـ 2400 الظاهر صيني
فيه قطعه للصحون والاكواب شكلين والتيشرتات والكاب
بالنسبه لي اخذت حبر صيني ارخص والحمد لله نتائجه جميله ولا فيه مشكال
اشتغلت على الاكواب والدروع والميداليات وجرابات الجوالات

وهذي بعض اعمالي من الطابعه




العيوب اللي واجهتني هي بعض الالوان ما تطلع كويسه مثل الاحمر يطلع لي مايل للبرتقالي وهذي اتوقع المشكله ليست بالحبر لان اغلب الالوان كويسه وكلن حسب بحثي وجدت ان المشكله بالجهاز اعدادات او شي زي كذا لين الحين ما عرفت احلها
المحل يقول يستخدمونها كثير ولا اشتكو

طبعا شريت اغراضي من محل بالرياض مخرج 10 قبل قاعة المقصور اسمه العلم والعمل
عنده كل اغراض الخامات والمكابس والطابعات والاحبار سعودي وتعامله راقي