المشاركة الأصلية كتبت بواسطة خآلد آلعنزي

عليكم السلام ياهلا..

تحتاج ياطويل العمر سجل تجاري ، واشتراك الغرفه التجاريه ، وعقد الايجار ، ورخصة البلدية ، وبريد واصل ، والاشتراك في التامينات.

اولا تستخرج السجل التجاري وتاخذ معه عقد الايجار وتتوجه الى البلديه راح يحولونك للاحوال والظاهر لازم تكون متسبب ،، بعدها بيطلع المراقب للمكتب وعادةٍ تكون مساحة المحل 24م بعد مايخلص المراقب يحولونك للدفاع المدني ويشترطون ،، طفايتين حريق وكاشف دخان وترفق الفاتوره مع المعامله.
بعد الانتهاء من الدفاع المدني ترجع للبلديه ويبقى عليك تسديد الرسوم واستخراج الرخصه.

تاخذ الرخصه وجميع الاوراق المذكوره في البدايه وتروح لمكتب العمل تفتح ملف ،، بعدها تاخذ رقم الملف وتسجل بالتامينات،،
اذا كنت عاطل بينزل اسمك دايركت سعوده ،، اما اذا موظف لازم تسجل سعودي
بعد التسجيل بالتامينات وربطه مع مكتب العمل تستطيع تقديم طلب استقدام وبيعطونك 3 تأشيرات تأسيس..

بالنسبه للايجار حاول تبحث عن سعر اقل ،، لانك ماراح تستفيد من المكتب في البدايات.
هذا ما يحضرني وممكن تختلف الشروط بشي بسيط من منطقه لأخرى.

بالتوفيق.