اخوي بدات موضوعك بمقارنه و المقارنه هذي هي اللي تأزم نفسيتك وتحبط من معنوياتك عشان ترتاح لازم ترضى بقدرك
أخوي الكريم انت لساتك صغيررر والحياه قدامك ف ليييه كل هذا الحزن والهم والقلق والتشاؤم صحيح انك مرريت بصعوبات وابوك مضييق عليك والمشاكل النفسيه والماديه ترى كثيررر من الناس يعانون منها ياما ناس اهاليهم تجار ورجال اعمال ومايصرفون عليهم ريال واحد واعتمدو على نفسهم وكافحو الواحد لازم يصبرررر
أخوي عشان تتغير حياتك - انسى الماضي وركز على مستقبلك اذا فيه موقف عجزت تنساه من الماضي اكتبه في ورقه وقطعها أنا اضمن لك راح تحس براحه عجيبه (:
*- لازم تكون اكثر ثقه بنفسك مو عشان ولد خالتك يسوق السياره وهو 11 سنه خلاص تفقد ثقتك بنفسك هو اتوفرت له الظروف وهيأت له السواقه يمكن انت اشطر منه بس في الوقت الحالي ماتوفرت لك امكانيه تبرز فيها مهاراتك بالسواقه خليك متفائل ان شاء الله بالمستقبل بيكون عندك أفخم سياره وتكون انسان ناجح بس بعد عن مقارنه فلان يلبس على كيفه وهذا يسوق وهذا يفحط لاتقاارن كثيررر راح تتعب
*- أبوك : راح يظل أبوك وموجود بحياتكم لذلك فكر في طرق تقربكم من بعض فكر ليييه ابوك يعاملكم زي كذا ؟ انت ذكرت انه يغصبك ع العزايم طيب ليه تخليه يغصبك ليه ماتروح برضاك حاول تتقرب منه سوي الاشياء اللي ترضيه قلك امشي معاي عزومه قله ابشر اكيد ابوك حاب يفتخر فيك وسط مجلس الرجال روح اجلس ساعه واطلع من العزومه اهم شي ارضيته..اذا ماتغيرت معاملته معاكم حاول تكلم اقارب لك لهم تأثير عليه ويسمع منهم يصلحون وينصحون لعل وعسى يجيب نتيجه
*- وقبل هذي الخطوات كلها اصلح مابينك وبين الله يصلح الله مابينك وبين الناس إلتجئ لله
الله وحده هو القادر انه يبدل همومك سعاده ويرزقك ويعطيييك لحد مايرضيييك
* استغفر
* حاول تحافظ ع الصلوات ف وقتها
*حاول تقرا قران
* تصدق ولو بشق تمره
أخيراً
اخوي اصبر واصبر واصبر ( الصبر مُر حلو العواقب ) ومصير ربي يعوضك انت نشأت وتربيت في أسره متمسكه بعاداتها وصعب عليك انك تغيرر تفكيرهم أو تقنعهم بفكرتك في يوم وليله انت ماراح تجلس طول عمرك عايش تحت ظل أبوك كلها كم سنه وتدخل الجامعه وتستقل وراح يجي اليوم اللي تكّون فيه أسره وتربي عيالك زي ماتحب وقتها تقدر ترمي بهذي العادات عرض الحائط أما الآن انت مجبوووور بها (كن مُتسامح وقوي اراده واتحدى ظروووفك هذي الظروف يااما انها ترفع الانسان او تضعه .......)

الله يوفقك بالدارين