مرحبـا




انا شغال في شركة مقاولات قبل لاا اقول مشكلتي اذكر الايجابيات اني مرتاح فيها لقربها من المنزل والرواتب تنزل اول با اول بدون تأخير والاجواء في العمل مهيئه للعمل بنجاح ..






مشكلتي مع الشركه ذي .. شخصيا انا ملكتي الاسبوع الجاي و زواجي تقريبا بيكون بعد سنه لكــن !


الراتب ..بديت براتب 3500 وتمت زيادتي بـ500 صارت 4000 بس التامينات تاكل منها الصافي لي الحين (3600) فقط


والشركه مسجلين سعوده بـ 3000 صافي وهوو نايم بالبيت واانا كل يوم 9 ساعات اتعب بالعمل والفرق بيني وبين النايم بالبيت 600 !!ا



انا بستشيركم في 3 اشياء :


1- انا الحين بصدد اقدم طلب زيادة راتب بدون ما اذكر سالفة السعوده ذي الي استفزتني والله ..






2-وافكر بتطوير مهاراتي العمليه في تعلم اللغه الانجليزيه .تعملت بمعهد مستوى اول ولظروف ماقدرت اكمل ولم احصل على شهاده الحين افكر ادخل مستوى ثاني واكتفي فيه هل هو ممتاز ؟

لاني مقدم على الزواج ماعندي استعداد ادفع رسوم للمعاهد ما ابي ابربر انجليزي بطلاقه بس اكون قادر على اتكلم واخذ واعطي بالانجليزي





3- افكر ادخل بجامعة الكترونيه انتساب وش رايكم ؟؟





ذبحني التفكير اقووووول انا الحين بتزوج وماعرفت اطور نفسي الا بهالسنه بدفع للمعاهد وللجامعه مع اني في هالسنه محتاج مرحلة حصاد وبناء ومبيت النيه اتزوج السنه الجايه






ومن هنـــا ليــن السنه الجايه بخوض حرب طاحنه وصراع مع الوقت وان شاء الله اتغلب واتزوج السنه الجايه بنفس ماخططت له . . . .








دعوااااتكم واتمنـــى الرد الله يسعدكـــم يارب