يالربع الامور سهالات ان شاء الله اللي عنده فحص بالدمام .. ان كان من برى الدمام ويبي ياجر شقه ياخذ بالخبر اقرب له بحي الزهور شارع 18 به شقق واجد وزينه وقريبه للمستوصف الفحص سهالات اول ماتدخل تاخذ ورقه من عسكري تلقاه بالغرفه الاخيره وتنتظر اسمك ينادي باسمك تدخل داخل يكون معك من 5 الى 10 انفار وتفصخ تبقى بالسناوي بس منها تبرد بعد لانك بتنلطع بالشمس تخش على الطول والوزن .. وسهالات بس اهم شي ارفع نفسك وان نقص الوزن او زاد يقولك تجي الاسبوع الجاي اما تنقص او تزود كيلو ولا 2 كيلو اهم شي يشوفونك قابل للنقصان والزياده كلن عاد ووزنه اللي زايد يحرم نفسه اسبوع واللي ناقص يدق بهالنعمه وبعدها تخش على الباطنيه وفحص سريع وتطلع وتخش على النظر وتراه سهالات حاول تقز الورقه وانت ماسك سرى واحفظ اليمين واليسار وفوق تحت والاسنان تعطيه ابتسامه ويخلصك سريع مايدقق الدكتور مطنوخ يعجبكم بعدها تخش على فحص دقات القلب وتمشي تلبس ملابسك وتخش على الرقيب ويعطيك ورقة الدم والاشعه تروح لفحص الدم وبعدها تحليل بول وانتم بكرامه .. حاول تجيهم حصران لاتاخر نفسك بعدها الاشعه اشعه صدر وظهر ومايحتاج تفصيخ وبعدها تمشي .. لاتشيلون همها باذن الله الامور ميسره , بس بها لطعه شوي جيتهم 7:30 طلعت 11 موفقين باذن الله يازملاء