اقتباس:
المشاركة الأصلية كتبت بواسطة مون كنج
السلام عليكم
اسف على التأخير
اولا اخوي الصابر لازم تحدد مشروعك زين
يعني
بتبيع بيتزا بس ولا بيتزا وفطائر
بعد كذا لازم تختار نوع الفرن اللي يخدمك
هل هو فرن طابونه ولا كهربائي
ونصيحة لا تترخص في الفرن
لان الفرن كل ماكان اكبر يخدمك
العجانات تبدأ من 10 كيلو الى 100 او 150 كيلو
الفرادات فيه 3 مقاسات وتبدأ اسعارها من 6000
اعمل حساباك يكون عندك مستودع صغير وفريزرات
المشروع يبيله شدة حيل ورأس مال كويس
انا في جدة ولو اني في الرياض كان اسستلك المحل
ارسل استفساراتك وما عليك
|
وعليكم السلام
الله يعطيك العافية يالغالي والمشغول معذور وناخوك ماله داعي التأسف الله يرفع قدرك
بالنسبة للمشروع راح يكون بيع بيتزا فقط
واما بالنسبة للفرن فهو كهربائي 3 ادوار ومخصص له سعر من 15 الف الى 20 الف ريال
العجانة حصلت مستعملة بـ 2000 ريال
والفرادة اللي ماجت على بالي لكن بضيفها عندي
ومن ناحية المستودع والفريزرات والثلاجات فانا حاسب حسابها
راس مالي 130 الف ريال وراح اوقف عليه وبداوم فيه وبيكون فيه توصيل طلبات
بيض الله وجهك يالغالي ورفع الله قدرك وغفر لوالديك ورزقك من حيث لاتحتسب ماقصرت وناخوك الله يعطيك العافية
وان احتجت شي ان شاء الله براسلك