المشاركة الأصلية كتبت بواسطة خآلد العنزي

معليش تقبلوا كلامي بسعة صدر..

انتم تحسبون شهادتكم هي الي تأهلكم على الوظيفه ؟؟

ياخي اكثر الى شفتهم بالمقابلات واسألهم معه شهاده ثانوي.. وصورة بطاقته وحسن سيرة وسلوك وجاي يقدم ويبغى وظيفه ؟؟

بأي حق تتوظف وغيرك معه 10 سنوات ولا 5 سنوات خبره في الشركات الخاصه ومعه ثانوي ومعه حاسب ومعه 6 شهادات ولا 7 شهادات خبره وشهادات شكر من الشركات وتبي يفضلونك عليه
ياخي رح توظف وتعلم زي الناس ثم رح اشتك اصلا لو تروح تشتكي بيقارنون شهادتك مع الي قابلينه وبتنزل راسك بالارض وتقول معليش ماكنت ادري .. لا يا حبيبي تعلم الله لا يهينك ثم قارن نفسك بغيرك..

وحتى الجامعي شهادته بلا خبره في الشركات الخاصه ماتنفعه .. غيركم متمرمط وحالته حاله ومتعلم ومنكرف عشان يعيش ولمن تجيه وظيفه حكوميه تحسده ..


قسم بعزة الله وجلاله .. والله يخلي لي أمي الغاليه .. اني يوم رحت قدمت على الوظيفه رحت وكل الناس تقولي .. ياخي لاتروح تقدم تراهم معينين ناس وخالصين بس كذا يضحكون على العالم

وفعلا صار بقلبي خوف وصدقت كلامهم لاني انسان غبي لكن مع ذالك قلت بسوي الي علي والله يكتب الي فيه الخير

وفعلا وديت شهاداتي وعندي خبره 10 سنوات في الشركات الخاصه وقدمت وسويت مقابله وطابقة اوراقي وتفاجأت ان اسمي موجود من ضمن المقبولين صليت شكر لله ..


ياعالم لاتسؤون الظن بالناس والله ما اعرف احد فيهم واقسم بعزة الله اني يوم قدمت وطلعت توكلت على الله ويوم طول الموضوع قلت شكلهم استبعدوني وقلت الحمدالله الله يجيب الي فيه الخير ..

اتركوا سوء الظن وتوكلوا على الله فا الله ماراح ينسى عبد اطاعه وتوكل عليه ..


والله يرزقكم بأحسن من الي عطانا يارب