المشاركة الأصلية كتبت بواسطة ثلاث الاف ماتكفي

هذا كله بسبب شنو
ليه السعودية كذا
قولو ليه اغنى دولة بالعالم
ميزانية تعيش كل سعودي عيشة راقية وهو مرتاح
الشغل صحيح مو عيب ولكن
في شي اسمه قوانين تنص بان راتب السعودي الاساسي 3000 مع البدلات اقل حاجة 4500
وين القانون وين الكلام الي يتطبق بالاجتماعات والبلدية وغيره وغيره
كلام بلا فعل وين الرقابة عن الشركات
والله بنموت واحنا على هالحال
اقرب مكان عندكم الامارات ماشاء الله
مين يعرف الامارات قبل 15 سنه
كلها بر والحين شوف كيف رواتب عدلة ومكان عمل عدل
ودولة عدلة
التهاون من الجهات المسوولة
سيرجعنا لعام 2007 كم شخص انتحر والسبه قاعد ببيتهم

كم شخص مقهور ولكن مايقدر يسوي اي شي
كم شخص قريب يوصل مرحلة الموت لانه ليس قادر على توفير متطلباته ومتطلبات زوجته او عياله
اسال اي شخص بالله 3500 تقدر تعيشك انت وزوجتك فقط
هذا اذا متزوج مادري من وين لك تتزوج بالراتب هذا
انا من وجهة نظري اي شخص راتبه اقل من 8000 يستحق الصدقة
غلاء معيشة والاسعار ترتفع وكل شي قاعد يرتفع 50% و احيانا يوصل 100%
كل شي يرتفع الا راتب السعودي على حاله
الى متى يادولتي العزيزة سنموت حسرة وبعضنا سيموت جوع وبعضنا سيموت من اقهر
انا حاليا موظف ووصل راتبي بعد تعب واشتغل اكثر من شغلة بالدوام وصل 4000
مع خصم التامينا 310 ريال
يعني 3690
والله مايجي نهاية شهر الا مخلصة او باقي قليل
غير هذا انا اعزب وماعندي اي قروض او اي سلف اسدد يعني مو ملتزم بشي
غير هذا الواحد يروح يطلع له سيارة ويستانس وينقص كل شهر من راتبة نصه
وبالاخير مفاجاة (شوارع مكسرة) وتتكسر سيارته وتعال وعدل
حقد الشركات وحقد المدراء ياثر على كل موظف عندك(ليس المقصد لصاحب الاعلان)
انا موظف بشركتي حق تسعير وتكاليف مولدات كهرباء
الاحظ انه في كل صفقة تجيه اقلها 600 الف هذا تعبه صح
بس عط موظفينك غير هذا في اليوم الواحد اكثر من صفقة تمر عليه
يعني وين الحق
ولا غير عن هذا يبون ناس تشتغل عدل
كيف تبي موظفين يشتغلو عدل وراتبك مايغطي الا اكل وشرب وبانزين بس
الى متى ما اقول الا الله يعين
لكم الدنيا تهنو بها
ولنا الاخرة بالجنة باذن الله
لا اله الا الله محمد رسول الله