اقتباس: المشاركة الأصلية كتبت بواسطة اروع الله يوفق الجميع وانت اخوي اشكرك على مشاركتك اخوانك والافادة باي معلومة تفيدهم الى ابي اسأله يا اخوي عن الدورة أهم شي عندي هل مسموح لي ادخل بالنظارة الطبية ؟؟ يعني البسها في اوقات و اوقات واخليها معي في مخباي او عادي البسها طول الوقت حتى وقت الجري يعني محد يكلمك بخصوص النظارة او الافضل انك ماتلبسها طول الوقت ؟؟ هل مسموح اخذ معي عدة الحلاقة للدقن يعني تخفيف اللحية ومكينة تنعيم ؟؟ وهل اقدر اشحن المكاين هناك يعني مسموح والا لا ؟؟ والى ابي اعرفه كيف نظامكم في اليوم يعني من أول ماتصحون الى وقت النوم باختصار وكم مدة الدورة ؟؟ واخر سؤال بخصوص الجري انا لمن اجري عضلات الساق الجانبية تنتفخ عندي ولابد اريح واعمل لها مساج عشان يخف الانتفاخ والالم هل شفت ناس معكم في الميدان كذا وحطو كريم معين ؟؟ وشنو نصيحتك بشكل عام للدور يعني اشياء انت تشوفها المفروض الواحد ينتبه لها ويجهز نفسه لها وشكراً لك اخوي وان شاء الله نعدي الكشف الطبي موعدي بعد أسبوع والله يوفق ان شاء الله ... الله يوفــق .. الجميـع ايه النظاره عادي تروح فيها معاك ماعندك اي مشكله وان تبي تلبسهــا .. وقت الهروله تبي تلبسها كل وقت تبي تلبسها وتفسخها ماحد له دخل فيك .. أبدا انت حر بالي تبي تسويه يعني تطمن من ناحيه النظارات كيفك تبي تهرول فيها تبي تنام فيها مالهم دخل .. ويسمحون لك تاخذ عده الحلاقه الوضــع ايزي عاادي جداّ انك تاخذها وتشحنها فيه أفياش كهرب ب الحضيره= غرفــه النوم وعادي حتى تقدر تعطي المناوبين تقوله اشحنها وبعدين بجي اخذها والدوره بديراب مدتها 3 شهور .. وفتره الحجز مدتها 35 يوم بالضبـط وبالنسبـه لعضلات الساق الجانبيه تنتفخ قصدك البطـه يسمونها الي ورا الساق تنشد .. اولا .. ممنوع انك توقف واساسا خذ لك مراهم لانك بتحس بالم بدايتها غير طبيعي من الهروله هذا اول شي وثانــي شي عادي خذ لك مراهم عضلات ترخيها لك تدهن عضلاتك قبل الهروله يعني قبل تروحون المسجد تدهن وتضبط وضعك ولاتنسى الفكس مهم .. جدا وبعدين العضلات بتحس فيها بالم اول الايام لازم لانهم بيضغطون عليكم مرره بس بعد اسبوع ونص او اسبوعين تتعود مافيه شي اسمه بالميدان كريم معي وقت الهروله ممنوع انك توقف عن الهروله او انك تنقطع بيصير نهارك أسوووود واكبر نصيحه للدوره .. جهز نفسيتك ترى الدوره عامل نفســي .. وبتمر عليك اوقات تتمنى انك مادخلت العسكريه ولا دخلت هالدوره بس تصبر وانا اخوك الصبــر زين الصبر مفتاح الفرج بتمر عليك ايام تمرض ماحد بيدري عنك بتتعب ماحد يدري عنك بتمر عليكم ايام ضغط .. حتى بتمر عليك ايام تبكي فيها بس الصبر زيين