اخت اسكتش ,, مؤسسة المتجر السعودي ( ماركة مسجلة في الفشل الذريع )
وفوق هذا تعاملها مع الناس فيه نصب واحتمال وجشع .. بقولها علناً ومايهمني
وسبق تكلمت عن هالمؤسسة في نفس هالموضوع واشوف بنات
بداية مشروعهم عن طريق المتجر السعودي رغم اني تكلمت قبل
والود ودي افتح موضوع كامل عن المتجر استعرض فيه مميزات هالمؤسسة المصون ,, عشان تنتبهون اكثر .. ضحايا هالمؤسسة في ازدياد ..
وأي مبلغ تدفعونه لهم احلموا يرجعونه .. هذي أهم قاعدة يمشون عليها ..
امس انا واليوم اسكتش واعرف وحده كمان وعضوة هنا
نفس الشي غشوها بحبر على اساس انو حراري وطلع حبر عادي..


يعني وبعدين ,, ايش اللي حابين توصولون له ؟!
اشتريت منهم طابعة p50 قبل سنة





طبعا مغبره ويحق لها تغبر ,, ماتطبع ومااستخدمها اصلا .. شايفين طابور الحبر هذا ؟!
ترا وربي ماطلبته منهم .. لما قلت لهم ان الطابعة ماتطبع قالوا ارسليها لنا واحنا نعمل لها صيانه ( مجانا ) حطوا تحتها مليون خط ..
وصلتهم الطابعة اتصلت عليهم قلت ايش صار على الطابعه ,, قالوا
وصلتنا متكسره يقصدون الكاتردج وكمان الاحبار اللي داخل ..
طبعا انا انصدمت وماكنت متوقعه هالشي ..
قالوا راح نستبدل مااعرف ايش ونعمل ونعمل وو ..
في النهاية اتصلوا علينا وقالوا قيمة التصليح 550 ريال ..!
وفوقها اعطوني طابور الحبر اللي انتم شايفنه وانا اصلا ماطلبته ..
والطامة الكبرى انها وصلتني فاتورة من عندهم مكتوب عليها انهم حسبوا علي 3 أحبار لون أزرق وماادري كم لون أصفر ..
المهم دقيت قلت يمكن غلطانين
لأنهم اعطوني علب كل واحد لون ( اقصد طابور الالوان اللي فوق ) ,, ردوا قالوا لحظة نتأكد من الدعم الفني ..
رجعوا اتصلوا قالوا : ايه نعم احنا استهلكنا 3 احبار زرقاء و2 احبار مااعرف ايش .. يقصدون العلب الصغيره هذي ..



اسألكم بالله هل هالكلام منطقي ؟!!
وكمان كاتب بخط اليد على الفاتورة ,, تم توصيل الطلبية من
زاجل لمحلهم ب 50 ريال وتم دفعها من قبل العميل ..!
يعني راح يستلمها مندوبهم وانا اللي حاسبته !!
يعني ايش المطلوب مني ؟ فوق الخساير اللي تكبدتها من وراهم
ترفعون ضغطي بهالاسلوب الاستفزازي .. طبعا واضح انهم ناوين
يصلحونها لي مجانا من البداية ..!!
وصلت الطابعة ولما فتحتها , ادور عن السلك بشغلها واطبع عليها مستانسه مو مصدقة انها بتطبع ,,, مالقيت السلك
اتصلت عليهم قالوا بكل برودة دم ( والله نسيناه ..!) ماشاء الله حلو .. ؟!!
قالوا تشتروا من اي محل اي سلك مو مشكلة ..!!
صبرت ورحت اليوم الثاني واشتريت سلك وماصدقت خبر ارجع للبيت واشغل الطابعة على طول والمصيبه ( ماطبعت ) نفس مشكلتها الاولى ماتغير شي , الالوان جدا مضروبة وباهته ..
طييب والـ 550 يابوي وين راحت ؟!! وفوق هذا سعر الطابعه نفسها ب 1000 أو 1100
راحت كلها في جيوبهم بالرااااااااااحه ..
والى اليوم هذا اتحسب عليهم , حسبي الله ونعم الوكيل عليهم ليلا نهارا ..
سبق تكلمت عن تجربي وبعضكم يعرف تجربتي بس رجعت أعيدها لكم لأني ماابي
الناس تتخسر مثل ماتخسرت أنا واسكتش وماخفي كان اعظم ..
الخلاصة ,, لحد يفكر يتعامل معاهم ,, عندكم مؤسسة في الرياض من اروع مايكون وشهادة حق لله ,, مؤسسة نادر وجودها
في التعامل الراقي مع الناس ,, اسمها مؤسسة العلم والعمل ..
============
اللي يسأل عن حبر ريكو ,, سعر الحبر الامريكي الواحد ب 350
4 الوان ب 1400 ..
سعر الحبر الصيني الواحد تقريبا 175 ,, 4 الوان ب 700 او 750 ..
سعر الطابعة بدون حبر ب 1950 ريال ..
طابعة ممتازة عن تجربه لكن افكر اتركها لأن سعر حبرها جدا غالي ..
=============
جزاكم الله خير اللي جاوبوني على سؤالي ,, الطابعه اول ماوصلت عملت لها تنظيف لكن نفس النتبجة ..
وانا اتوقع 100% ان المشكلة في الوان اللاب توب نفسه ..